No products in the cart.
ਸਤੰਬਰ 30 – ਜਾਨਵਰਾਂ ਨੂੰ ਪਿਆਰ ਕਰੋ!
Admin“ਧਰਮੀ ਆਪਣੇ ਪਸ਼ੂ ਦੇ ਪ੍ਰਾਣਾਂ ਦੀ ਵੀ ਸੁੱਧ ਰੱਖਦਾ ਹੈ”(ਕਹਾਉਤਾਂ 12:10)।
ਤੁਹਾਡੇ ਆਲੇ ਦੁਆਲੇ ਲੱਖਾਂ ਪੰਛੀ, ਜਾਨਵਰ ਅਤੇ ਹੋਰ ਜੀਵ ਹਨ। ਜਿੰਨਾ ਹੋ ਸਕੇ, ਆਪਣੇ ਪਿਆਰ ਨੂੰ ਦਿਖਾਉਣ ਅਤੇ ਇਹਨਾਂ ਪ੍ਰਾਣੀਆਂ ਦੀ ਰੱਖਿਆ ਕਰਨ ਦੀ ਕੋਸ਼ਿਸ਼ ਕਰੋ। ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ ਕਿ “ਧਰਮੀ ਆਪਣੇ ਪਸ਼ੂ ਦੇ ਪ੍ਰਾਣਾਂ ਦੀ ਵੀ ਸੁੱਧ ਰੱਖਦਾ ਹੈ” ਅਤੇ ਉਸਦੀ ਰੱਖਿਆ ਕਰਦਾ ਹੈ। ਪਰਮੇਸ਼ੁਰ ਨੇ ਮਨੁੱਖਾਂ ਦੀ ਮਦਦ ਦੇ ਲਈ ਬਹੁਤ ਸਾਰੇ ਜਾਨਵਰ ਬਣਾਏ ਹਨ। ਗਾਵਾਂ ਦੁੱਧ ਦਿੰਦੀਆਂ ਹਨ, ਬਲਦ ਖੇਤਾਂ ਵਿੱਚ ਹਲ ਵਾਹੁਣ ਵਿੱਚ ਅਤੇ ਭਾਰੀਆਂ ਗੱਡੀਆਂ ਨੂੰ ਖਿੱਚਣ ਵਿੱਚ ਸਹਾਇਤਾ ਕਰਦੇ ਹਨ।
ਕੁੱਝ ਕੁੱਤੇ ਆਪਣੀ ਬੁੱਧੀ ਦੇ ਬਹੁਤ ਤੇਜ਼ ਹੁੰਦੇ ਹਨ ਅਤੇ ਛੋਟੇ ਬੱਚਿਆਂ ਨੂੰ ਨੁਕਸਾਨਦੇਹ ਸਥਿਤੀਆਂ ਤੋਂ ਬਚਾਉਂਦੇ ਹਨ। ਉਹ ਘਰ ਦੀ ਰੱਖਵਾਲੀ ਵੀ ਕਰਦੇ ਹਨ ਅਤੇ ਆਪਣੇ ਪਿਆਰ ਅਤੇ ਧੰਨਵਾਦ ਦਾ ਪ੍ਰਗਟਾਵਾ ਕਰਦੇ ਹਨ।
ਜਾਨਵਰ ਬੋਲ ਨਹੀਂ ਸਕਦੇ, ਪਰ ਉਹ ਸਾਨੂੰ ਪਿਆਰ ਕਰਦੇ ਰਹਿੰਦੇ ਹਨ। ਜਦੋਂ ਪ੍ਰਮੇਸ਼ਵਰ ਨੇ ਨਬੀ ਏਲੀਯਾਹ ਦੇ ਲਈ ਭੋਜਨ ਮੁਹੱਈਆ ਕਰਵਾਉਣਾ ਚਾਹੁੰਦਾ ਸੀ, ਤਾਂ ਉਸਨੇ ਇਸਨੂੰ ਕਾਂ ਦੇ ਦੁਆਰਾ ਭੇਜਣ ਦਾ ਫੈਸਲਾ ਕੀਤਾ, ਨਾ ਕਿ ਮਨੁੱਖਾਂ ਦੇਮਦੁਆਰਾ। ਕਾਂ ਹਰ ਸਵੇਰ ਅਤੇ ਹਰ ਸ਼ਾਮ ਨੂੰ ਏਲੀਯਾਹ ਦੇ ਲਈ ਭੋਜਨ ਲਿਆਉਂਦੇ ਸਨ, ਅਤੇ ਯਹੋਵਾਹ ਦੇ ਨਬੀ ਦਾ ਪਾਲਣ-ਪੋਸ਼ਣ ਕਰਦੇ ਸੀ।
ਪ੍ਰਭੂ ਨੇ ਯੂਨਾਹ ਨੂੰ ਨਿਗਲਣ ਦੇ ਲਈ ਇੱਕ ਵੱਡੀ ਮੱਛੀ ਤਿਆਰ ਕੀਤੀ ਸੀ। ਭਾਵੇਂ ਇਸ ਨੇ ਯੂਨਾਹ ਨੂੰ ਨਿਗਲ ਲਿਆ, ਇਸ ਨੇ ਉਸ ਨੂੰ ਤਿੰਨ ਦਿਨ ਅਤੇ ਤਿੰਨ ਰਾਤਾਂ ਤੱਕ ਆਪਣੇ ਢਿੱਡ ਵਿੱਚ ਸੁਰੱਖਿਅਤ ਰੱਖਿਆ। ਅਤੇ ਜਦੋਂ ਪ੍ਰਭੂ ਨੇ ਉਸ ਮੱਛੀ ਨਾਲ ਗੱਲ ਕੀਤੀ, ਤਾਂ ਉਸ ਨੇ ਯੂਨਾਹ ਨੂੰ ਬਿਨਾਂ ਕਿਸੇ ਝਿਜਕ ਦੇ ਸੁੱਕੀ ਜ਼ਮੀਨ ਉੱਤੇ ਉੱਗਲੱਛ ਦਿੱਤਾ। ਜਦੋਂ ਰਸੂਲ ਪਤਰਸ ਨੇ ਪ੍ਰਭੂ ਦਾ ਇਨਕਾਰ ਕੀਤਾ, ਤਾਂ ਕੁੱਕੜ ਨੇ ਉਸਨੂੰ ਹੋਸ਼ ਵਿੱਚ ਵਾਪਸ ਲਿਆਉਣ ਦੇ ਲਈ ਸਹੀ ਸਮੇਂ ਉੱਤੇ ਬਾਂਗ ਦਿੱਤੀ।
ਜਦੋਂ ਯਿਸੂ ਅਤੇ ਪਤਰਸ ਤੋਂ ਹੈਕਲ ਦੀ ਚੂੰਗੀ ਦੀ ਮੰਗ ਕੀਤੀ ਗਈ ਤਾਂ ਇੱਕ ਮੱਛੀ ਦੇ ਮੂੰਹ ਵਿੱਚ ਸਿੱਕਾ ਪਾਇਆ ਗਿਆ। ਇਸੇ ਤਰ੍ਹਾਂ, ਹਜ਼ਾਰਾਂ ਪੰਛੀ ਅਤੇ ਜਾਨਵਰ ਤੁਹਾਡੀ ਸੇਵਾ ਕਰਨ ਦੇ ਮੌਕੇ ਦੇ ਲਈ ਉਤਸੁਕ ਹਨ।
ਜਦੋਂ ਨਬੀ ਬਿਲਆਮ ਨੇ ਆਪਣੀ ਗਧੀ ਨੂੰ ਬੇਰਹਿਮੀ ਨਾਲ ਮਾਰਿਆ, ਤਾਂ ਯਹੋਵਾਹ ਦੇ ਦੂਤ ਨੇ ਉਸਨੂੰ ਪੁੱਛਿਆ, “ਤੂੰ ਕਿਉਂ ਆਪਣੀ ਗਧੀ ਨੂੰ ਤਿੰਨ ਵਾਰੀ ਮਾਰਿਆ ਹੈ?”(ਗਿਣਤੀ 22:32)। ਯਹੋਵਾਹ ਦੇ ਦੂਤ ਨੇ ਇਹ ਵੀ ਗਿਣਿਆ ਕਿ ਬਆਲ ਨੇ ਆਪਣੇ ਗਧੇ ਨੂੰ ਕਿੰਨੀ ਵਾਰ ਮਾਰਿਆ ਸੀ। ਇਸ ਤੋਂ ਤੁਸੀਂ ਸਮਝ ਸਕਦੇ ਹੋ ਕਿ ਦੂਤ ਉਸ ਜਾਨਵਰ ਨੂੰ ਕਿੰਨਾ ਪਿਆਰ ਕਰਦਾ ਸੀ। ਗਧੀ ਸੱਚਮੁੱਚ ਤਰਸਯੋਗ ਹਾਲਤ ਵਿੱਚ ਸੀ। ਇੱਕ ਪਾਸੇ ਯਹੋਵਾਹ ਦਾ ਇੱਕ ਦੂਤ ਹੱਥ ਵਿੱਚ ਆਪਣੀ ਤਲਵਾਰ ਲੈ ਕੇ ਰਾਹ ਵਿੱਚ ਖੜ੍ਹਾ ਸੀ; ਅਤੇ ਦੂਸਰੇ ਪਾਸੇ ਉਸਦਾ ਮਾਲਕ ਬਿਲਆਮ, ਜੋ ਬਹੁਤ ਬੇਰਹਿਮ ਸੀ। ਜਦੋਂ ਉਹ ਗਧੀ ਨੂੰ ਮਾਰਦਾ ਰਿਹਾ, ਤਾਂ ਉਸ ਨੇ ਆਪਣਾ ਮੂੰਹ ਖੋਲ੍ਹਿਆ ਅਤੇ ਬਿਲਆਮ ਨੂੰ ਕਿਹਾ, “ਕੀ ਮੈਂ ਤੇਰੀ ਗਧੀ ਨਹੀਂ ਜਿਸ ਦੇ ਉੱਤੇ ਤੂੰ ਸਾਰੀ ਉਮਰ ਅੱਜ ਤੱਕ ਸਵਾਰੀ ਕੀਤੀ ਹੈ? ਕੀ ਕਦੀ ਪਹਿਲਾਂ ਵੀ ਮੈਂ ਤੇਰੇ ਨਾਲ ਅਜਿਹਾ ਕੀਤਾ ਹੈ”(ਗਿਣਤੀ 22:30)।
ਪ੍ਰਮੇਸ਼ਵਰ ਦੇ ਬੱਚਿਓ, ਜਾਨਵਰਾਂ ਨੂੰ ਪਿਆਰ ਕਰੋ ਅਤੇ ਉਨ੍ਹਾਂ ਨਾਲ ਦਿਆਲਤਾ ਨਾਲ ਵਿਵਹਾਰ ਕਰੋ।
ਅਭਿਆਸ ਕਰਨ ਲਈ – “ਜੋ ਸਭ ਜੀਵਾਂ ਨੂੰ ਰੋਟੀ ਦਿੰਦਾ ਹੈ, ਉਹ ਦੀ ਦਯਾ ਸਦਾ ਦੀ ਹੈ”(ਜ਼ਬੂਰਾਂ ਦੀ ਪੋਥੀ 136:25)।