Sep 28 – Sanna Buranji!

“Drakiya lanam-len a tarba endrang abs’zdenji abmang aman buranji, sanna buranji a d’ong hamba” (Solomon a Kanen 2:15)

Anten asan kuddub togalan bo ompu kanuduai bzgarda ompu kanuduai adamban rapti adyeradji”. “Mandran rutipun tum batte abm’engte, bindo Kitungan a t’od saring a dunglen a dile bernan batte m’engte. Kukkuran aboi arabmad Marid Janggardan abmele.

Angante Jisun Kristun tabubdan hangle, riangan rzlen do Anin gijle Marid Janggardan a labsolaih ate amang lingan, kukkuran ambrij. Marid Janggardan aboi ruangan saring ayirtaih a kukkuran ambrij. Marid Janggardan ruangang-lingan basute, do labsoling yiraiten Jisu Krsitun amangban, angante Anin tabubdan tiyle. Kitunglen tabubdan tiyle bo surdaberan kan ate anelnji abmele U’a Kitungan, a O’n Kitungan do Marid Janggardan ahimlingan.

Bangsa anobling Mattiu kamb’ol-lingan, anidolan dele Jisun gijle Janggardan alabsolaih ate amangban.

1.Do Bangsa anobling Jon lingan gamle, “Bar Jon sakkin tiy1e gameten, Kukkuran ambrij ruang safing a latsolen a Janggardan hen gijlai, do antate Am’n among lingan duineten” (Mark 11:23).

2.Marid Janggardan sattang labsole Jisun amang-ling ted bindo basule amang-lingan. Bo surdaberan gijtabe Tabme anosaij-lingan Marid Janggardan abasuten mangbalen ate. Dile ayamabmele mangbale basute, Papwr anosaijan adnangtedayamted.

3.Angante Kitunglen Jisu Kristun Marid Janggardan abmele oblingle: “Bar Hen U’an a d’ong garbertai, (Romi 8:28). do Anin bo bzgarda Danandraban tiytaben, yante gamle Anin tarda ayam amben ampara rapti dakuten” (Romi 8:28).

4.Yan a bangsa do a rubmang kan ate Marid Janggardan abasuben mangbalen. (Bansa Hanang 10:19). Kan aboi birdaran ahangle bangsale adakuben asan, engale mangbaben basute.

5.Desalen a dane mar bogad, s’ingbaben hiyaiten basueden, am’oihben asan amben barij ranaptiben atiyepo.

6.Bogad kun ambrij, ogandiban ruangan a kukkuran a tanimhiman do asanagalan, desa a dane maran saring kan ate boi boi murdadam. Barij ameng-janabanji saring,

7.Kukkuran sattang bibol-lingan gamte anabasudalangne a onted. Anlen kinoltabe Mattiu lingan “Engale odlanji amang lingan murkundardanji ambrij, ettele d’ong-ben Hen appaitai. Tanahimdam Kitungan a onagji, amben abmele Kitungan ogandite do rabrabte. Sanensenan tiyle abguguben dete, a mihaman batte d’onglen tandile.

Okiy Kinolbe absele: “Anten asan anlen janang dijte surda tarubge sakki maranji batte yanaryaran a delaian asan, jaba; dile lanaginan do mang ling len apanbolong pintun umdrengan umdrengle dernan abmanggod do tabkud Mar Jisun amangban sengsengle anuywb sanayen batte mukkaba-len a garatassige yzrnagod lingan a yzrnaba. Anin a mukkaban a danakku delen a man’oihan asan, ganabroijan puyingle, arakaddangan a kanalkalan anuywban batte sayeeten, do Kitungan a raja garobgoban a jandrumsengban gobeten.” (Ebri 12:1-2).