Sep 26 – TAZA MUKH LAGA HADDI GHADHA LAGA!

Judges 15:15 “tai paishe ekta raza mukh laga haddi ekta gadha laga, pungchishe tai laga hath ke aru loishe, aru moraishe hazarta manu itu logote.”

Itu podh te, ami khan pora ekta achurit ghatna Samson laga jibon te. Tai iku hathyar thakanai tai laga hath te, jitya philistines khan ahishe tai laga khilaf te. Jinika tai bhabna kori thakishe kinika tai samna koribo hazarta dushman philistine laga; tai dikhishe ekta taza mukh laga haddi gadha laga.

Ekta kahavat ase tamil te, juntu koi ki ghas laga dhar bi tagot hatyaar ase ekta tagot manu laga hath te. Inika line kahavat laga, ki ekta mamuli mukh laga haddi pora gadha laga sabit korishe ekta tagot  hatyar Samson laga. Utu pora hi tai moraishe ek hazar manu ke philistine laga. Judi bi tai ke bandi kene thakishe taza risi logote aru dhurai dishe philistine laga hath te, tai khan iku bi biya koribo paranai Samson laga.

Kiman bi achurit thakishe  ki tai utu mukh laga haddi ke paa tu. Judi Samson pora ghurabole pare ekta kaam nathaka laga mukh laga haddi ke ekta tagot thaka laga hatyar te, kiman bishi Isor pora uthai dibo apuni ke cholabole Tai laga kaam ke? Jinika Samson laga hath taan pora dhuri kene thakishe utu haddi ke, Isor pora bi tan pora dhuribo apuni laga hath ke.

Satan dhuri kene thake jibon kunuba khan laga, aru loi jai tai khan ke paap laga rasta te. Jun khan bi dhuri ken ease tai laga hath te, tai giribole diye tai khan ke hodai din laga dukh te aru narak laga jui te. Khali bhabna koribi keta dhar chakku laga. Cholabole inika dhar chaku ke, ekta chikitsak pora surgery koribo pare, hatabole pare pindhi khan ke, aru changai kore aru diye ekta taza jibon pririt thaka khan ke. Utu chakku hi cholabole bi pare bishi ke morabole,  judi tai laga hath tu ekta morai diya laga ase.

Ami khan pore ki Samson  cholaishe gadha laga mukh laga haddi ke. Itu apuni laga mukh laga haddi ase ji pora modot kore apuni ke kotha koribole. Aru modot kore kobole kotha Isor laga. Apuni laga kotha khan kimti ase imarat bonabole Isor laga rajyo laga aru khotom koribole raj biya aru pap khan laga.

Utu din te, Samson haraishe philistine khan ke ek hazar manu tai khan laga morai  kene. Aji laga din te bi apuni ase lorai khilafte biya atma laga duth ke kore apuni ke jitya apuni kotha koi khilaf te biya laga malik ke swarg laga jagate. Ekbaar manu pora khedai she ek hazar manu ke, aru duijon pora 10 hazar ke lorai kore.

Pobitro kotha te koi, “thakibi, ami bonabo apuni ke notun kata laga sledge dhar dant logote; apuni kate pahar khan ke aru kore tai khan ke chutu, aru bonai pahar khan ke chamra nishina.” Isiah 42:15.

Aji bhabna koribole laga pobitro kotha tu hoile ezekeil 37:5 “toh koi Isor Prabhu itu haddi khan ke: “hosabi, ami dibo ukha ghusibole apuni te, aru apuni jiyabo”.