Sep 25 – BALAAM LAGA GADHA!

Numbers 22:28,30 “titya Isor pora khulishe mukh gadha laga, aru tai Balaam ke koishe, “ki korishe ami apuni ke ki apuni pora rukhaishe ami ke tin baar?” toh, gadha pora Balaam ke koishe, “ki ami apuni laga gadha nahoi jote apuni berai, jitya pora ami apuni laga hoishe, aji laga din tok?”

Bishi baar koi kene ase gadha laga kotha Pobitro Kotha te. Abraham, jitya loishe tai laga chokra ke mount Moriate, tai tan pora rakhishe gadha te (Genesis 22:3). Ami khan itu bi pore ki jitya Jacob laga chokra jaishe Egypt te dhan kinibole, tai khan jaishe nijor laga gadha te aru adha rasta te, tai khan saman rakhishe tai khan laga gadha te dhan khan pora (Genesis 42:26).

Hoilebi itu dangor achurit ki Isor pora mukh khulishe gadha laga aru kotha koribole idhse. Aru utu gadha pora, Isor pora janibole dishe ekta dangor nabi ke tai laga galti. Jinika tai peter ke hosh te anishe, ekta murgi laga hala pora, Isor pora hosh te anishe Nabi Balaam ke. Ekbar bhabna koribi! Gadha pora dikhishe duth ke Isor laga khara kori thaki thaka inika hisab te Tai laga tarwal logote Tai laga hath te, aru utu ghurishe rasta pora aru jaishe kheti te. Hoilebi balaam  itu ke bujanai aru tai gadha ke mari thakishe. judi bi utu gadha wafadar thakishe tai laga malik logote, tai age jabole napara hoishe.

Kiman bi janwar khan apuni khan laga usorte ase. Aru bishi baar, tai khan jane Isor uri  thaka, aru Tai pora loi ja ke aru tai khan itu ke  mane. Hoilebi manu khan andha thake, judi bi tai khan suku thake; aru behra thake judi bi kaan ase, aru jibon bitai tai khan nijor laga icha khan te.

Khali jitya Isor pora khulishe suku Balaam laga, tai dikhishe duth Isor laga rasta te Tai laga tarwal ke loi kene; aru tai jhukaishe tai laga matha ke aru giri she tai laga mukh te. Itu bishi zaroori ase ki apuni laga atma laga suku khan khula thakibo lage sob homoi te, aru apuni laga kan tu khula thakibo lage Isor laga icha te. Tai pora bukishe tai laga malik laga bhar ke nijor laga bhar nishina.

Isor laga babcha khan, ama baab khan buke tai khan laga bacha khan laga bhar ke. Biswasi khan buke bhar tai khan laga Isor laga mantra laga. Hoilebi Isor loishe ami khan laga sob bhar khan Tai nijor uporte, aru loishe ami khan laga bhar khan. Kinika ami khan utu morom ke pahoribo?

Aji  bhabna koribole laga pobitro kotha tu hoile Zecheriah 9:9 “thakibi, apuni laga raja ahiase apuni te; tai nyay ase aru thake mukti tai logote, niche hoi kene cholai gadha ke ekta bacha gadha laga”.