Sep 16 – PAHAR LAGA SAGULI ARU HARIN!

Job 39:1 “ki apuni jane utu homoi jitya jongli saguli pai chutu ke? Nahoile ki apuni china dibole pare jitya harin pora jonom diye?

Ghuronia hawa pora, isor hudishe bishi sawal Job ke:ki apuni jane homoi jitay jongol laga pahar saguli pai chutu ke? Nahoile bi ki apuni jane kitya harin pora jonom diye? Ki apuni ginti koribole pare kuntu mohina tai khan bhorta kore? Nahoile bi ki apuni jane kuntu homoi tai khan jonom diye bacha ke? Tai khan niche hoi, tai khan ane tai khan laga chutu ke, tai khan diye tai khan laga chutu ke. Tai khan laga bcha khan swasth bhal thake; tai khan tagot thaki dangor hoi dhan logote; tai khan jai aru wapaas nahe” (Job 39:1-4).

Isor jun hi ami khan ke koishe sabole chiriya khan ke hawa laga aru mane lili khan kheti laga, ki kinika tai khan bhnorta hoi aru kapra lagai, itya itu koi ase ki kinika harin tai khan laga chutu ke pai aru shikhai ase ami khan ke atma laga path ke, utu pora. Jinika ekta harin ginti barhai tai khan laga bacha khan laga, isor laga bacha khan bi barhi bo lage bishi pora bishi atma ke Isor karone.

Shubh samachar ke kobole nimite, apuni khan ekta mon thakibo lage juntu bhar loi Isor karone. Aru itu iman hi zaroori ase narukhi kene prathana koribole. Itu upor laga podh pora, ami khan poribole pai ki harin niche hoi, anibole tai khan laga bacha ke. Itu ke hi ami khan koi ‘bacha pabole laga dukh laga prathana’. Ami khan mon di kene narukhi kene prathana koribo lage kandi kene, porivaar te notun atman aha tok.

Bacha paa laga dukh hi sobse kasta diak dukh ase maiki manu karone. Ki apuni tayar ase samna koribole iku bi porikha aru dukh khan ke juntu apuni laga rasta tea he, jitya apuni pabole jai atma  khan ke Isor karone? Isor utu naukar khan ke sai ase  jun khan jiti ase atma tai karone, iman dukh khan laga majote Isor karone.

Bishi dushman khan ase harin karone. Tai khan ke shikar kore bhag khan, sher khan aru cheetah khan, hoilebi harin khan narukhi kene ginti barhai thake tai khan laga bcha khan pora. Itu nishina hi, bishi dushman khan laga samna kori thakile bi, nahoile jitya biya atma laga rakhwala khara kore christa te thaka khan laga khilaf te, tai khan ginti ke barhai thake narukhi kene. Notun atma khan ked hale Isor laga porivaar te  hodai din karone. Hobole dibi Isor laga icha ginti barhabole bishi pora bishi Isor laga rajyo nimite khara koribole.

Isor laga bcah khan, pabi bishi atma khan isor karone. Kobi subh samachar ke dhyan rakhi kene, sob homoi te, apuni avsar thakile bi nathakilebi. Than lobi apuni laga mon  te ki Isor ke khali hath lok nakoribole hoilebi Tai aha te, hazar ta atma tai nimite jiti kene. Pobitro kotha te koi: “tai jun hi jite atma gyani ase” (Proverbs 11:30). Hobole dibi Isor ke modot apuni te Tai karone atma khan ke jitibole.

Aji bhabna koribole laga pobitro kotha tu hoile Daniel 12:3 “jun khan gyani ase chamki bo pani laga ujala nishina, aru jun khan ghurai bishi ke hosa te tara jinika hodai hodai din karone.