Sep 11 – SAJI GI KHONG!

“Mahakna eigi khongsing asi sajigi khong gumna sembire.” (Habakkuk 3:19)

Saji gi khongsing asi yamna akhannaba oi amadi yamna kallibani. Masigi mapanna saji sing asina ching awangba da irai laina kabada mateng pibani. Sastrana haibagi matung inna saji sing asi yamna yangna chenba ngambani. (2 Samuel 2:18). Sajina yangna chenba ngambangumna eikhoisu inakkhunningbagi ahenba pambadagi eikhoi yangna chenthokkadabani.  (1 Timothy 6:9-11).  Eikhoina nupa nupigi apaibadagi  chenthokkadabani. (2 Timothy 2:22).  Aduga eikhoina Prabhu Jesugi mapham tanna chengadabani. (Hebrews 12:1).

Prabhuna nahakki thawaigi khong asi sajigi khonggumna sembigani. Aduga nahakpu awangba chingsingda kahanba ngamle. Thawaigi punshi asi lamjel chenbaga  changdamnabani. Sastrana asumna hai, “lamjel tannabasingna ngamjabi thaduna chelli,adubu amakhaktana mana phangi, haiba nakhoina khangdabra? Matou adugumna soidana mana phangnanaba chellu.” (1 Corinthians 9:24).

Pakhonchatpa Paulna sajigi khonggumba asi darkar lei haiba mahakna khangjei. Maduna mahakpu maipakna lamjel chenhanba ngamgani. Mahakna hai, “asengbani ichin inaosa eina madu hannana  phangle haina tasengna haijaba nate, adum oinamak, eina touba amadi , tungda leihouba adu kaothoklaga mangda leiriba adu younanaba eigi ngamjaba thaduna tankhatchabani.  Aduna mana adu phangnanaba eina panjalphamlomda chumdring chenjari.” (Philippians 3:13-14).

Sajigumna nahakna thawairomgi ching awang thak ki oiba maphamda matam khudingna kakhatnaba hotnou. Aduga chingdon adu younaba hotnou. Swargagi oiba Jerusalem younaba thawagi oiba akanba khong leiba mathou tabani.

Caleb, adu na saji gi makhong gumba leirammi, mahakna masagi chahi mariphu manga suba matamda asumna hairammi, eihak  Mosesna thakhiba matamgumna eigi panggal kalli. Houjik Iswarna haikhibagumna masigi ching asi eingonda sinnaro, …” (Joshua 14:11-12).  Mosesna masagi chahi cha amaga kun suraba matamphao sajigi makhonggumna akanba khong leirammi. Mahakki mitsu aduga mapanggal asu sonthadri.

Moseski khongsing adu sajigi makhongumi. Maduna mahakpu Pisgah chingthakta kabada mateng pibikhi aduga mahakna Canaan gi lam adu yengba phangjakhi. Madu Iswarna Israel machasingda wasakpikhibani. (Deuteronomy 34:1).

Iswargi machasing,nahakna karamba khong leiribage? Madusing aduna chingthakki maton da kabagi ithil leibra? Natraga makhoi adu achetpa leitabra? Iswargi thougan adu ching awangba gumna namangda leiri. Sastrana hai, “nahakki khonggi phinatsing adu yotka  kortan gumba oigani,nahakki numit ki masinggumna nahakki panggal su oigani” (Deuteronomy 33:25).

Dhyan tougadaba, “Aphaba wapao purakliba midugi makhongdu tariba loibi chingdu kayada phajabano,laothorakliba ingthabagi pao amadi aphaba nungai-yaiphabagi paojel, purakliba, kanbibagi aphaba wapao puduna laklibadu yaiphei,, hairi mahakna Zionda mapu Ibungona ningthou oire, nakhoigi !” (Isaiah 52:7).