Sep 09 – UBAIBI !

“Prabhuda ngaijariba misingna makhoigi panggal adu tekkhat hanba phanggani,makhoina umaibi gumna wangna  paikhatkani.”  (Isaiah 40:31).

Umaibisingna painaba hotnaba matamda makhoina nungshit ki achaba maikei hanna yengthokkani. Madugumna Iswargi macha eikhoina su Iswargi lamjingbiba adu khangnaba Iswargi maphamda matam lenba asi yamna maru oibani.

Sastrana haibagumna Iswarda ngaijariba misingbu tekkhatpa panggal phanggani. Nangbu panggal kankhat hannaba nanggi  punshida akanba nonglei nungshit lak pasi Iswarna ayaba piribani. Madugumba phibam aduda nahakna Iswarda thajaba thamduna Mabu chetna paibiyu. Mahakna nahakpu keidoungeidasu thadokpiroi. Prabhuda ngaijariba misingbu yaiphabani.

Achouba corporate manungda Christian ama manager oina thabak tourammi. Mahakna sen mayam tansinduna inak khullakpa matamda mahak Iswardagi natheiduna thapna chattokkhre. Madugumba matamda  mahakki punshida achouba nonglei nungshit ama laklammi, aduga mahakki thabak adu mangkhre, aduga mahakki ikaikhumnaba amadi ijat khudingmaksu mangkhre. Mahakki  tansinkhraba senthum mayam adusu mangba houkhre. Mahakki khudingmak mangkhraba matungda mahak mikap thoktuna Iswarda hanjinkhi. Iswarna haibibagumna mahakna chara  henduna haijaduna Iswarda numit kaya marum Iswarbu ngaijarammi. Aduga mahakpu anouba thao noibiba amadi thawaigi khudol anouba phangkhi. Madugi anouba thawaigi khudolsing adugi mapanna mahakna Iswargi thougan adu yamna kanna panggal leina toukhi.

Nahakki punshi da awaba lanpham kari thengnarabasu madu nahakpu mangtak hannabagi natte. Madusinggi mapanna nahakna wangna paikhatpa ngamnabagi dmakta Iswarna ayaba pirabani. Ningthou DAvidna hairammi, “eina awaba thengnadringeida ei lamserannarammi,adubu houjikti eina nahakki wahei asi ngakle.” (Psalm 119:67).  Hoi madugumlaba awaba singduna nahakki  thakta aphaba mahei yanba ngamlibani.

Gulap matonsi satkairakpa matamda panbi adugi tingkhangsingna yuramgani. Adubu phajraba leirang sing aduna  awaba kaya khanglamlabasu sattokrakpa matamdadi asukki matik phajaba yengbada apenba manam nungshiba leirang ama oirakle.

Eikhoigi Prabhu Jesuna khamthengna awaba thengnaduna Calvaryda otpiba adu phanglammi. Adubu mathang da hinggatpa numit adu lakle. Aduga hinggatpa numit aduda mahakna matik mangal ga loinana hinggattuna mahakki hinggatpagi manam nungshiba adu taibang sinthungna   sandokkhre.

Iswargi machasing, nahakki leipham adu akanba nonglei nungshitna humlakpra. Nahakki punshida thengnakhiba awa ana mayam aduna nahakpu chokthahanbra? Iswargi khuyada haijaraga ngaiduna leiyu. Nahakna Mahakpu nungshijabanina Mahakna khudingmaksi nahakki damakta aphaba oihangani.

Dhyan tougadba, “eina houjik ngaihakki oiba awaba thengnabasi tungda lakkadaba matik mangal aduga changdamnaba yade haina khalli.” (Romans 8:18).