Sep 06 – Kukkuran Ambarij Anumengan!

“Bar hen gamlai, Bogad mang-hen kukkuran ambrij renengan dakulenden, hen engle lulunan hangtai badih” (Sanenken 55:6).

Bayale a engben aboi Kukkuran amandrengna beran. Kukkuran a renenganji radudam aninji etile-ednele gijtalejija. Kun a rengeng a ranadun batte, er-lulu-ling-ben engle dakulen raptite. Do kan batte, bigarda ontidanji ja sabmongle adraptieji, ateng ayam a nenganja.

Bo mandran kukkuran a d’ong senle dakuneten, aninji abmele kan kun gamle oblingle. Bogad amben paruan a panglenden bo tabme darakunaban do umdrengle a sidlenden, aninji abamang uante saring uyungan yirtai kotina engte do kun ambrij aninji atagoranji bandaten. Bo dinna a tagoranji bangsale dakule, aninji er-lulu-ling-ben engleji, do arduleji ayirbalenji a darakunaba. Koti-lingan jajingante ate kukkuran dakule, ajar ajar mile sikoija engteji.

Angante Kitungan Jisun tabubdan tiyle, atabdong ruangan saring Marid Janggardan kukkuran ambrij amangban labsolai. Bibolan gamte, “Anta saring Jisun Galili ganingan a pardi lingan hanata hanata ayengan a Simon, Pitor gamle barkahimleji, anin do a buhang Andriya, kan bagunji ganing lingan bo surda haramyon szdlenji adnang Anin gijeten. Iten asan gamlenden aninji hamyo maranji. Seletten Anin aninji a d’ong gameten, Sandungihba, do amben hammarmar Hen abmetaben” (Luk 4:18-19).

Ateng manengban kan ambrij janababun baran dete, mandranji a J’e-linganji saring edatenji Marid Janggardan batte a barijben asan. Do kan ate aboi ruamangdaman a berna do Marid Janggarda atabdong labsoling yiraiten dile mandranji amangban barij deleji. Kunin ayamling jajingante ate janabuban deleji anablun ahaqnglenji atabdong. Jajingante ate tabubdan adnang hangleji. Butente butente saiteji Marid Janggardan amangbanji atabdong labsotai.

Gijba Marid Janggardan atabdong yangam labsolai hanangna maranji amangban, angante aninji lanangkaban a darakunaban, argalan batte do sanaisaijan batte j’e-lingan. Do atabdong sanadan dele ruangan saring, bo surda rangen ambrij, do uante aninji gobleji barij dele. Marid Janggardan amangbanji labsolai do barij deleji ranaptin do ranadun hangleji engale janibjiban dele.

Anappai kambolan anlen janang kinoltabe, yangam Marid Janggardan a baran a pwrban ayamling sareba-singanji. Angante Antioak a ranukkun garberleji baran abmele, Marid Janggardan labsolai do gamle: “Bar aninji Gamangtungan a d’ong gangkilieji do anamienji adnang Marid Janggardan gameten, Itente a lanuman a lumben Barnaba do Sol a d’ong Hen gudingle tabngijlai, anta lanuman a lumben asan Hen apsele aninji a d’ong ansaba” (Anappai 13:2). Tanahimdam Kitungan a onagji, Nami janang Marid Janggardan tabdong garberben amdangle ajalangben asan oskai daku.

Okiy Kinolbe absele: “Bar Jon sakkin tiy1e gameten, Kukkuran ambrij ruang safing a latsolen a Janggardan hen gijlai, do antate Am’n among lingan duineten” (Jon 1:32).