Sep 01 – KOPU JUNTU THAKE!

Matthew 3:16 “jitya Tai biptisma loishe, jisu ulai ahishe pani pora; aru thakibi, swarg khan  khushi tai karone, aru Tai ekta Atma dikhishe Isor laga niche ahi thaka kopou nishina aru tai laga uporte ahishe

Kopou tu nishani ase Pobitro Atma laga. Jitya Jisu ke baptisma dishe, swarg khan tu khulishe aru Tai diskkhishe Pobitro Atma tai uporte aha, ekta kopou nishina. Pobitro Atma ke swarg laga kpou koi.

Pobitro Atma jun hi urri thakishe swarg te, nichete ahishe ekta kopou nishina aru rukhi jaishe Jisu laga uporte, jitya Tai baptisma loishe. Utu homoi ami khan laga Isor Baptisma loa  tu ekta dangor utsav nishina thakishe trinity  ke milibole- Baba, Putro aru Pobitro Atma.

Matthew laga Gospsubh samachar l te, itu likhi ken ease ki Jisu dikhishe Pobitro Atma kea hi thaka Tai uporte. Aru John laga subh smachar te, tai itu laga gawahi diye, koi kene, “Ami dikhkishe Atma kea hi thaka swarg pora ekta kopou nishina, aru Atma Tai logote thaki jaishe (John 1:32).

Pobitro Atma khali Tai uporte aha nahoi hoilebi tai logote thaki jaishe. Ekta zaroori path ami khan shikhe itu Notun Niom pora Pobitro Atma lga kotha ke ki Tai ami khan logote ahe aru thaki jai ami khan te. Tai itya ami khan logote hodai din nimite thaki jai, Purana Niom khan nishina nahoi.

Jitya ami khan laga Isor Jisu koishe Pobitro Atma laga kotha, Tai koishe: “Ami prathana koribo Baba ke,a ru Tai dibo apuni kea lag modot kora, ki Tai apuni logote hodai din thakibole” (John 14:16). Kiman uttam aru achurit itu Pobitro Atma karone ki apuni logote thakibole! Itu apuni khan laga bi dangor zimedari ase , ki Tai ke bhal pora dhyan rakhibole, kile koile Tai apuni khan te thake. Judi ekta pradhan mantri apuni laga desh laga , ahe aru apuni laga ghor te thake, ki apuni tai ke khushi koribole pura dhyan aru tagot nadibo? Judi inika ase, apuni khan bhabna koribo pare utu morom aru dhyan Pobitro Atma ke dibole laga ke, jun hi iman kimti ase pradhan mantra pora bi.

Sob jibit jontu khan pora bi, khali kopou hi ekta hani nakora laga ase pobutro kotha hisab te. Ami khan Matthew laga subh samachar te dikhe “thakibi ami khan apunike bahar pothai ekta bhera nishina shiyan khan majote. Itu karone, chalak hobi ekta saap nishina aru hani nakora ekta kopou nishina” (Matthew 10:16). Isor laga bacha khan, itu swarg laga kopou, utu Pobitro Atma jun hi apuni laga mon khan te thake, Pobitro ase, aru akha kore pobitro ta apuni pora, aru tai icha kore apuni logote mili kene thakibole. Ki apuni nijor ke dibo Pobitro Atma laga modot te?

Aji bhabna koribole  laga Pobitro Kotha tu hoile 1 Corinthians 6:19 aru ki apuni najane ki apuni laga gau tu pobitro mondir ase Pobitro Atma laga jun apuni te thake, juntu apuni khan Isor pora paishe, aru apuni nijor laga nahoi?