Aug 28 – PUNGCHIBOLE UTU SAMAN KHAN JUNTU KHAN AGETE TE ASE!

Philippians 3:13-14 “hoilebi ekta saman ami kore, pahori jai utu saman khan juntu khan piche ase aru pungche utu saman khan juntu khan agete ase, ami jor lagai kene jai manzil phine utu inaam ke pabole upor pora mata ke Pormeshwor pora Krista Jisu te.”

Christian laga jibon tu agh barhi thaka laga ase, aru tate piche jaa nai. ekbaar bhabna koribi, ekta choli thaka gari uporte ekta pahar laga rasta te.judi gear tu kaam nakore aru neutral te lagi jai, tinihoile utu gari tu choli bole rukhi jabo upor jabole aru inika hi piche jaa shuru hobo, durghatna hoi kene. Itu nishina hiase Christian laga jibon te bi, jote piche jaa nahobo lage iku homoi te bi. Kunbi biswasi khan piche najabo lage tai laga biswas pora aru aru piche nasabo lage tai laga biswas laga rasta te

Jitya pormeshwar anishe Lot laga porivaar ke Sodom laga bahar te, tai koishe: “nasabi apuni laga pichete aru nathakibi soman jagate. Pahar phine jabi, nahoile apuni khotom hoi jabo.” Kilekoile tai laga kotha namana pora, Lot laga maiki piche saishe, aru tai nimok laga khuta te bodli hoishe. Itu durghatna pora koi mora laga khatra ke piche saa laga.

Jitya apunikhan age jai, Isor apuni laga agete thake, kilekoilea apuni bi Isor laga pondit khan ase aru swarg laga rajyo laga. Hoilebi judi apuni khan piche sabo, apuni khan satan thakibo aru tai laga duth khan aru gehra gadha khan .

Chela paul pora likhe pahoribole utu saman khan juntu pichete ase aru pungchibole agete juntu khan ase. Hoi, Christian laga jibon, te saman khan ase juntu apuni pahoribole lagibo, saman khan juntu khan apuni piche charibo lagibo. Apuni khan hilai kene phelabole lagibo poila laga yaad khan, poila laga haar khan aru apuni laga poila laga paap khan ke aru pahoribo lagibo.

Utu homoi te, apuni khan pungchibole lagibo tai khan ke jun  khan apuni khan agete ase- pobitrota Krista laga ami khan Isor,Tai laga prathana jibon aru tai laga swargo adot khan aru bisaribi mon di kene. Tinihoile hi apuni khan age jabole utu lakshya te upor pora mat ate pormeshwar laga Krista Jisu.

Apuni khan ahi jaishe ses laga homoi te, aru itya itu homoi nahoi apuni khan piche sabole. Pobitro Atma aru drishti Tai aha lag, loi jai ase aru koi ase apuni ke age jabole.

Itu ses homoi te, apuni khan duiguna koribole lage a puni khan laga kuchis ke pungchibole age utu saman khan te jun khan agete ase. Isor laga bacha khan,apuni laga mon icha kore bisari pabole kimti Isor aha te. Apuni khan itu daur ke jiti kene pungchibole lage. Apuni khan bi chela paul logote kobole paribo lage: “ami lari ekta bhal lorai, ami khotom korishe itu daur ke, ami rakhishe biswas”. Itu karone, dauribi aru bisaribi saman khan juntu agete ase.

Aji bhabna koribole laga pobitro kotha tu hoile 1 Corinthians 9:25 “aru sob khan jun khan pratiyogta kore utu inaam karone dhyojo rakhe sob saman khan te. Itya tai khan kore ituke pabole khotom hoa laga mukut ke, hoilebi ami khan kityabi khotom nahua laga mukut ke.”