Aug 29 – Karamma ganijan sanzdszdan dete!

“Karamma ganijan sanzdszdan dete, bindo kun a ganabrinate GAMANGtungan saring dete” (Bangsa Hanang 16:33). Sanun a dinnan abmele kurtan anoskaian dete, bindo dainan GAMANGtunganate” (Bangsa Hanang 21:31).

Papwr anosijan ayam-ling Karamma ganijan abmele dakule. Anlen kinoltabe bibolan, a Karammanji abmele bagu kammedan kubleji: aboi ate Kitungan abmele, pintu kanuban ambrij kubleji, do bo bigarda ate anuran ahangben abmele, arznrznba umdrengle sidleji (Lebi 16:8-10).

Ruang-lingan janang, kan ambrij bernan dele do Kitunglen Jisun Anindaman kanuban ambrij kubdamlen. Iten asan gamlenden kun a karamma Jisun amangban yiraiten, Anin a d’ongan anabdusan dele do erselenji batte Anindaman tiydamlen.

Yangam kun Kanan a darakuna banantin dele mijgal teganji batte Israel-lingan, kun batte anosaijan dele (Danisam 26:55). Aninji janang a karammanji bo danusan ambrij dele. Anlen kinoltabe Josua, 7 a surda lingan, engale yangam aninji hangteji Achan, butente anabdusan adetenji ate Babilon-lingan anabtarban do ranan batte.

Kun ambrij, angante aninji akarammanji hangteji anannaben abmele, kun ate galule jonaton amangba, butente maimaile adangan kun a dinna-lingan (1 Samuel 14:41). Angante aninji ahangben itsumleji ganungan saring, Jonan akaramma dakule, Kitungan a timangban saring yirre asidben (Jonan 1:7). Romi a sanu-maranji akarammanji anosaijan ambrij Kitungan Jisun amangban. Matias kun a karamma anin sedale, engale hanana-maranji Iskarit Juda ambrij.

Marid Janggardan endrang yiraih ordarban abmang, Kitungan a mandranji a karammanji dakule Kitungan atam itsuman ambrij adeben dete. Bindo amben agijje ordardage amadan batte dirnanben sattang maih-batte agijte. Ordardage a karamma mandrengna-ling-ben Kitungan a itsum adrabange. Kan ate Marid Janggardanna d’ongben abtangorte janardiban, do asosoberanji absuite mangbaben, Barij mangbaben kun ate.

Gijba Bibolan iten gamte. “Amben jandrumsengban orde kandrabardisengban a lartenan adnang, seletten l’ud-ben kandungba-ben saring kan a bernan amdangte, Kani na godan; kani lingan hanaba” (Jisaiya 30:21).

Tanahimdam Kitungan a onagji, angajanang amben Kitungan asanayam sanaisai, lagaddamnaba do Kitungan a d’ong saiba. Do angaja karammaben asurpidong bobigardaban. Kun abmele Kitungan atimangba turdumba do ualba Kitungan a d’ong. Do Anin janardigodban abtagortaben.

Okiy Kinolbe absele: “Aman d’ong-hen hanang-Nam batte apsuigodtih, do tanakud ayam lingan Aman d’ong-hen anabgugun batte jatih” (Sanenken 73:24).