Aug 26 – BHERA!

Revelation 12:11 “aru tai khan paar korishe taike Bhera laga khun pora aru kotha khan pora tai khan laga gawahi pora.”

Khun bhera laga ekta tagot hatyar ase khotom koribole shakti satan laga. Khun Krista laga ami khan laga hatyar ase judho nimite, juntu tagot ase khotom koribole sob chal khan satanlaga, ami khana laga dimag te.

Jinika ami kha khun Jisu Krista laga ase, Bhera Isor laga, tai khan thake boli diya laga bhera , ekta tagot tha hatyar nishina Purana Niom te. Tai khan porikha ke paar koribole ulai Egypt laga dangor khan agete aru tai khan laga kam laga sardar agete. Nauta digdar khan diya pichete bi Egypt te, pharaoh norom huanai hoilebi tai laga mon aru bi taan hi hoishe. Ses te, Isor pothabole lagisshe ses digdar ke – mora laga sobse poila jonom khan ke.

Isor, sobse poila jonom khan laga mora ke shuru nakura  agete, tai khan chunibole lagishe ekta-ekta bhera sob porivaar khan karone, aru itu  ke morai kene tai laga khun ke dorja laga uporte, bahar te lagabole lage. Itu  rahasya tu Egypt manu khan najane, aru inika hi tai khan laga sob poila jonom  khan khan ke morai diye.

Jitya khun ekta mamuli bhera laga bachabole pare mora pora, tinihoile apuni khan bhabna koribole pare utu shakti ke aru jit ke Isor laga khun pora paa ke, jun pora nirmaan korishe sob bhera khan itu prithibi laga. Hoile utu khun juntu ulaishe Tai laga theng pora, Tai chipaishe matha satan laga aru khotom korishe tai laga shakti khan ke. Utu kimti khun pora, Tai ami khan ke jit dishe. Tai itu kosom bi dishe, koi kene: “thakibi,a mi diye apuni ke adhikaar chipabole saap khan ke aru bichoo khan ke aru sob shakti khan uporte dushman khan laga, aru itu bi iku kisim pora apuni ke jokhom koribole naparibo.” (Luke 10:19).

Ki satan shuru korishe apuni laga jibon te digdaar dibole?  Dubabi apuni laga thir biswas laga utu kimti khun te Isor Jisu Krista laga, aru maribi satan ke. Dubabi talwaar Isor laga, juntu Tai laga kotha ase, Jisu Krista laga khunte, aru khotom kori dibi sob biya chal khan satn laga. Chirkhabi Jisu laga khun ke satan laga mtha te aru chipai dibi tai laga sob kaam khan ke. Bhera laga khun, khotom kore sob shakti khan satan laga.

Isor laga bacha khan, ekbaar apuni khemai mangile apuni laga paap karone aru kandile tita hoi kene Isor ke  apuni laga paap karone, Isor Jisu Krista laga khun, juntu sapha kore sob pap khan ke, ke dhali ase apunilaga gau te, utu homoi te hi. Aru pichete itu ke lagai apuni laga atma te. Aru tisra, itu ke chirkhai apuni laga mon te, ki apuni jitibole!.

Aji bhabna koribole laga pobitro otha tu hoile 1 Peter 1:19 “hoilebi Iosr laga kimti khun pora, ekta bhera hisab te iku dagi nathaki kene aru biya nathi kene.”