Aug 25 – Panadaban!

“Seletten dungdamda adamban bangsi neban ambrij do ajzngan amang lingan a padabten ambrij aninji deteji” (Jisaiya 44:4).

Kitungan tiyle anabsittan Jakub a d’ong do Israelan a d’ong. Do anlen gijtabe itente anlen kinollabe anabsittanji abmele, kun anabsittanji dungdandan ambrij a padapte barij manengban.

Panadaban abmele kan ambrij bibolan gamte, anagante objongte kuddub nebanji. Kun ambrij ayamlingan, bo bernan gamte panadaban nebanji. Moloi manengban bibol-lingan ranabangan dele, itente nebanji a panadaban (Lebi 23:10, Ayob 40:22, Sanenken 137:2, Jisaiya 15:7, Jisaiya 44:4). Panadabanji amaina dungdamda do jordanji batte. Lebi 23:40 do Ayob 40:22, lingan ranabangan dete, kan a bernan ‘panadaban’ abmele engale aninji marangteji jordadanban do dungdamdabanji saring.

Angante Marid Janggardan, a Jordan mang-lingben yirtai, ambem janang bo surda manarangan arabangte, bo bangsa do bo janatidage tiyte. “Anin dungdamd’aban a guneb aran ambrij; anin hadab ayam lingan j’on j’ote, do a olan baldedle adnasarre. Do itente anin lumte antate ojoraite” (Sanenken 1:3).

Bibol-lingan kan a berna gamte J’ordadan abmele, amben arabangte jaruloge janardi-beran. Aparamangtan a kamb’ol-lingan, anlen kinoltabe j’ordadan  edon kutta-lingan ate, itente kun batte do bo surda j’ordadan dele angante rana dakule. Kayating dage a jordanted bindo kun itente manaridan do dirnan padabte a Jordan. Kan ate J’en a puangte, engale man’oihan a Jordan. Bibolan gamte: “Aboi jordan daku, anta d’an Kitungan a garden do Kuddub Saring Lanangka Kitungan a marid s’ingan abm’oihte” (Sanenken 46:4). Marid Janggardan aboi man’oihan a Jordan.

“Butente mang-ling-Hen derten, engale anidan daku, manan, Anin a l’ungan saring am’eng d’an alonji jorodte. Bindo ayengan a Janggarda Anin amang lingan a derten a mandranji hangteji, kun abmele Anin” (Jon 7:38-39). Angante Jon gijle Jordan, barij m’oihle do gamle: mardir mandrengna Jordan, marid daku, Kitungan a rajam saring murkundranban sikoija (Anabpungge 22:1).

Tanahimdam Kitungan a onagji, Marid Janggardan a jordan batte amben dile ayam jaruloge dakunaba, itedeleja engale neban Jordan amanengban dakute, Jordan batte bo bangsa jon j’ote. Amben a j’oben asan ganudingan adele, amben aboi panadaban ambrijna dungdamdaban saring. Kitungan amang saring anabsittan hangba do bo bangsa dungdamdaban neban ambrij deba.

Okiy Kinolbe absele: “Anin d’an adamban a guneb aran ambrij, do maneng aloban jaru aserj’edlen a neban ambrij dete. Bar daga-ingan yeraiten janang den anin abbantonge, iten asan gamlenden a olan oerdu dakute. Bar agganuren a minhum janang anin akkudine, iten asan gamlenden anin a j’on a j’oben akkaddabe” (Jirimiya 17:8).