Aug 23 – TOWER NIRMAAN KORA!

Isaiah 5:2 “tai khundi ulaishe ituke aru sapha kori dishe itu laga pathor khan ke, aru lagai dishe itu ke chuni loa lota logote. Tai nirmaan korishe ekta tower itu laga majete.”

Ami khan logote ekta tower ase kun bi nahoi hoilebi ami khan laga Isor Jisu, jun ke uthaishe kruste mount calvary te. Kilekoile tai ke loi jaishe Golgotha te, tai mukti dishe aru tanishe ami khan sob ke Tai te.

Itu upor laga podh te, ami khan pore ekta tower majete ase. Isor Jisu ke uthaishe krus te, duita chor logote tai laga dui phine. Tai inika bonishe ekta jibon diya laga tower duita chor laga majete aru duita kruste. Itu tower khara kore majete Purana aru Notun Niom laga, juntu bhag kore atit ke ‘Before Christ’ aru ‘Anno Domini’. Tai utu tower ase juntu bhag kore atma laga bacha khan ke aru Israel manu khan ke jun khan gau pora hi ase.

Tai utu tower ase juntu khara kore pobitro isor aru papi manu khanlaga majete aru Tai jun hi milai swarg aru prithibi ke. Ekta tower jun hi putro hoishe manu laga  manu khan karone itu prithibi te aru Putro isor laga swarg laga duth khan karone, aru Tai jun hi siri laga kaam ke kore. Aru ekta dolong nishina Israel manu khan aru Gentiles khan karone.

Tai jun hi naukar laga roop loishe ami khan karone. Tai dhon thakile bi amikhan akrone binishe dukhiya, ki apuni Tai laga itu dukhiya pora dhon hobole. Itu karone, Tai bonishe ekta tower  dikhabole dhon khan Tai laga gaurav laga aru anugrah laga. Kile Tai ekta tower bonishe aru kile Tai ke uthai loi jaishe? Pobitro kotha te koi: “aru jinika Moses uthaishe saap ke jongol te, inika hi Putro Manu laga ke uthai dibo, ki jun bi Tai ke biswas koribo khotom nahobo hoilebi thakibo hodai din laga jibon ke” (John 3:14).

Aji apuni khan paap laga majote, shrap aru dukh laga? Sabi calvary laga krus ke, juntu khara kore tower nishina. Tate pora  khun khemai laga, ekta nodi nishina. Khali tate pora apuni pai anugrah Isor laga, tai laga morom aru Tai laga ashirbaad.

Tai jun hi bonishe tower apuni karone, rakhishe Pobitro Atma ke, ekta rakhwala hisab te apuni ke bachai kene rakhibole. Tai utu homoi te, khara kore juntu ami khan kobole napare.

Isor laga bacha khan, dhonyobaad koribi aru mahima koribi isor laga, jun hi dishe tower juntu Krista ase aru Pobitro Atma karone apuni ke sabole.

Aji bhabna koribole laga pobito kotha tu hoile Psalm 121:4 “thaibi, Tai jun hi rakhe Israel ke kitya bi jupki nakoribo nahoilebu naghumabo. Isor hi apuni laga rakhwala ase; Isor hi apuni laga dahina hath laga rong ase.”