Aug 19 – PHAL DHORA LOTA!

Psalm 128:3 “apuni laga maiki tu hobo lage ekta phal dhora lota nishina apuni laga ghor laga mon te, apuni laga bacha khan jolphai gash nishina apuni laga table te.”

Israel manu khan tinta kisim laga paudha khan ke bishi mehetwapurn mane. Sobse poila tu jolphai gash ase juntu koi apuni laga atma lga jibon ke. Dursa tu hoile dimoru gash ase, juntu koi tai khan laga rajnaitik jibon  te. Aru tisra tu hoile, angur laga lota, juntu koi tai khan laga  jibon ke.

Israel manu khan rakhe angur laga lota ke tai khan laga bagan age te, aru itu pora anibo khushi tai khan ke phal duri kene. Tai khan buhibo chaya te angur laga lota nichete, jitya dhoop ahe.

Itu upor laga podh te, Isor pora itu koi ki “apuni laga maiki hobo lage ekta phal dhora lota nishina”,  aru koi kinika ekta maiki roop ase ashirbaad laga porivaar te. Tamil te, itu koi ki phal dhora lota ghor laga aas paas te thaka, hoilebi English te, itu ke koi ‘ghor laga majete’ nahoile ‘ghor laga bhitor khan’.

Ekta maiki porivaar laga, ase guti dhora lota nishina hor laga bhitor te aru bahar te  aru anonodo ane tai laga mota aru bacha khanke. Sobse poila zimmedari ekta maiki laga  tu ase tai laga nijor laga ghorte, tai loi ekta dangor zimmedari dekh bhal koribole tai laga mota aru bacah khanke. Itu jor pora hi rasta bonai tailaga bacha khan nimite tai khan laga age laga din nimite.

Ekta jawan chukri thakishe, jun hi mon bikhai kene thakishe kilekoile tai laga ama  pora tai ki lage itu diyanai. Utu rati te, tai hosa mon poa Isor ke prathana korishe itu koio kene, ‘Isor aru bacha ami laga ama baba khan ke nadi bi kilekoile tai khan najane kinika dangor koribo lage bacha khan ke juntu tai khan jonom dishe’. Judi apuni hare dangor koribole apuni laga bacha khanke jitya tai khan chutu thake, itu pora khali loi jabo taikhan ke dukh aru bhabna khan te jitya tai khan dangor hoi.

Tulna kori kene ekta maiki ke phal dhora lota logote, pobitro kotha pora koi uttamta ekta bhal maiki laga. Ekta angur laga lota ulai tai laga theni khan ke pura ghor te. Itu nishina hi, ekta maiki tai laga porivaar te buke iman zimmedari khan ke, bacha khan ke dangor kora pora khandhan khanke saa tok. Maiki manu khan achurit aru alag pora ashsh kori kene ase manu khanke morom aru dekh bhal koribo karone. Itu apuni khan  laga zimmedari ase gorom pora manu khan laga swagat koribole jun khan apuni ke lok koribole ahe, aru tai khan ke Isor laga usor te loi jabole! Ki apuni aga porivaar bi inika hi ashirbaad ase? Nahoilebi ki apuni kiba bodli koribole lage? Isor laga bacha khan, hobole dibi apuni laga porivaar ashirbaad Isor pora!.

Aji bhabna koribole laga pobitro kotha tu hoile Psalm 127:4 “dhanush nishina ekta yoddha  laga hath te, inika hi ase bacha khan ekta jawan laga”.