Aug 18 – MUKUT LAGAI DIYA!

Psalm 8:4-5 “ki ase manu ki apuni tai ke bhabna kore, aru chokra manu laga ki apuni taike lok kore? Kilekoile apuni tai ke olop komti bonaishe duth khan pora, aru apuni Taike mukut lagai dishe mahima aru sonman laga”.

Ami khan laga Isor hi ase jun pora nirmaan korishe itu pura shrishti ke,a ru ase pura adhikaar ase pura itu uporte. Jitya Tai adesh dishe aru koishe, “Hobole dibi ujala”, aru ujala hoishe. Itu suraj, chand aru sob tara khan bi inika pora hi bonaishe.

Isor icha kore Tai laga shakti aru adhikaar ke manu ke dibole. Itu karone Tai bonaishe manu ke tai nishina. “titya Isor ashirbaad korishe taikhan ke aru kooishe, “phal dhuribi aru ginti te barhibi; bhorta koribi prithibi ke aru raaj koribi; adhikaar thakibi haor laga maas khan te, hawa laga chiriya khan uporte, aru sob jontu prithibi khan te berai thaka khan te.”(Genesis 1:28).

Psalms likha pora koi; “apuni Tai ke bonaishe adhikaar thakibole sob a puni laga hath laga kaam te; apuni pora rakhishe tai laga theng nichete” (Psalm 8:6). “Tai laga mahima dangor ase Apuni laga mukti te; sonman aru mahima apuni rakkhishe Tai uporte” (Psalm 21:5). Apuni lagasihe mukut taike gaurav aru sonman pora” (Psalm 8:5) apuni mukut laishe taike morom thaka daya  pora aru norom daya khan pora, aru santusht korishe taike bhal saman khan pora (Psalm 103:4-5).

Adama ru hawa jananai itu uttamta shakti laga aru adhikaar laga juntu Isor pora dishe taikhan ke. Tai khan bujanai itu laga gaurav aru sonman ke. Tai khan ke jukai dishe satan laga chalak pora, girishe pap te aru mananai kotha Isor laga.

Itu laga pichete bi, isor narukhi kene dikhaishe Tai laga morom manu jati ke. Tai than loishe aru ekbaar dibole sob gaurav aru sonman juntu Adam haraishe eden laga bagh te. Itu karone Tai dishe Nijor ke kruste calavary laga. Tai laga moron Krus pora jitishe Satan uporte – mora laga rajkumar hoi kene. Tai paishe chabi mora aru narak laga uporte. Aji, tai icha kore aru ekbaar dibole shakti aru adhikaar, aruchabi swarg rajyo laga.

Tai pora apuni ke kosom dishe, itu koio kene: “aru Ami apuni ke dibo chabi khan swarg rajyo laga, aru ki apuni bandhibo prithibi te, aru ki apuni harabo prithibi te itu harabo swarg te bi”. (Matthew 16:19).

Isor laga bacha khan, jani thakibi apuni laga shaktia ru adhikaar khan juntu Isor pora apuni khan ke dishe . jani bi apuni laga monke ki Tai mukut lagai dishe  apuni ke gaurav aru sonman laga. Kitya bi naharabi Isor pora chuni loa ke. Loi jabi ekta pobitro jibon aru rakhi thakibi apuni laga pobitro ta ke. Aru Isor pora mukut lagai dibo apuni ke morom thaka daya pora aru norom daya khan pora.

Aji bhabna koribole laga pobitro kotha tu hoile Matthew 28:18 “Aru Jisu ahishe aru koishe ta khan ke, “sob hok khanke di kene ase Ami ke swarg aru prithibi te”