Aug 18 – Ranubboban!

“Seletten hen gamtai, Mandran iten do, Aman anin a d’ong kudite? Orde mandran a on iten do, Aman anin apsele saijte? Dele janang ruang pisirdianji saring Aman anin a d’ong asui abjaitale, bar Aman ganugun do panemengan batte anin a d’ong abrubboble” (Sanenken 8:4-5).

Tanimyimdam Kitungan barij putin gabdile, do barij dane dile janab-lingan a daneben asan tiylai. Angante Anin baile gameten, “Panuangan dea”, tette panuangan dele. Uyungan, angaijan do kuddub tuituijanji kun ambrij ganabdilan dele.

Kitungan itsumle adane do barij aranaptin mandran amanglingan atiyben. Anten asan Anindaman ambrij Mandran a d’ong gabdille. “Bar Kitungan aninji a d’ong absittale gameten, Ganirsaian dean dele, ateng birindan deba, bar ordaran badrijan badrijle, dane-ling-ben dakkuba. Do d’a lingan ayonji, do riang lingan ontidanji, bar ordar lingan a kuddub janab pwrardanji, kan kuddub a lanangka danenaba” (Aparamangtan 1:28).

Sanenken gamte: “Aman s’i-Nam a lanumanji a lanangkan anin a d’ong tabngijle. Kuddub ganabdel janabanji” (Sanenken 8:6). “Anablu-Nam batte anin a ganugun surdadam; Aman anin a lanangka ganugun do panemengan tiyle” (Sanenken 21:5). “bar Aman ganugun do panemengan batte anin a d’ong abrubboble” (Sanenken 8:5). Anin san’zdan saring mandrengna-nam tandzte; Anin erztna tanimyiman do anabasuyeman a ranubboban batte d’ong nam abrubbobte” (Sanenken 103:4-5).

Adam do Oba galamlle adraptiadji a ranaptin do adanenji itente Kitungan a d’onganji a d’ong taniyan dele. Aninji galamle adraptiadji ganugun do panemengan. Aninji itente sonuman gametenji antate maneleji, pintu-lingan galuleji, do Kitungan a d’ong admaneadji.

Atikki, mandranji alanankkaban taniyiman apsuile. Itente Adam abs’zdle ganugun do panemengan Edon Kuttan saring antate adyerben abmele erreguile. Anten asan Anindaman kubdamlen Kalobori arakaddang-lingan. Karahidan batte, sonuman batte sanulen do rajan akarahidan batte. Anin karahidban do kun batte. Nami, Anin d’ongben ranaptin do dane atiyben itsumte, do ruangan a rajam-lingan.

Anin jzbjzble d’ongben, gamle: “Ruang rajaman a ranzsanganji d’ong-nam tiytai. Itente ordar lingan aman tolbadte, antate ruang lingan tanolbadan dete, do itente ordar lingan aman aburte, antate ruang lingan anuran dete” (Mattiu 16:19).

Tanahimdam Kitungan a onagji, itente Kitungan d’ongben tiyeten kun abmele ogandiba ranaptin do dane. D’ongben ganugun do panemengan ranubboban tiyeten j’e-ling-ben. Akaridadong Kitungan aanabboban. Manarid-lingan basuba do manarid-lingan abhananaba. Do Kitungan rubbabtaben tanimyiman, asuyeman do barij sanayaman batte.

Okiy Kinolbe absele: “Bar aninji amangban iyan iyle Jisun aninji a d’ong opungle gameten, Ruangan do ordar lingan a kuddub danen d’ong-Hen taniyan dele” (Mattiu 28:18).