Aug 14 – ISWARDA PISINJOU!

maram aduna Iswarda pisinjou. Satanbu thingu , adu oirabadi mahak nakhoidagi chenthoklagani.” (James 4:7).

Nahakka Iswargi marakta leinariba mari adu nahakna Iswargi maphamda pisinjaba amadi haiba inbagi mapanna mapanggal kankhatpani. Iswarna nanggi nathakta leibani aduga Mahakna nahakki kokni. Mahakki hakchanggi sarukni. Mahakna drakha panbini nahakna masani. Nahakki mathakta leiriba Iswargi maphamda nahakna haiba inbada nahakna Mahakki matik, amadi thoujal adu phanggani.

James masigi wahei iramba adugi maram karino? “Iswarda pisinjou aduga Satanbu thingu, adu oirabadi mahakna nakhoidagi chenthoklagani. Mioibagi khwaidagi ahanba pap tu mahakan Iswargi haiba indadabadagi ni. Adamna Iswargi makhada pondabagi maramna Satanna mahakpu ngamkhibani, Adamna Iswargi yathang thugaiduna chaheidaba uhei adu chakhibani.

Adubu  eikhoigi Prabhu Jesu Christadi Mapa Iswargi haiba inkhi,madu mahakna eikhoibu Satangi panggaldagi kanbiba ngamnabagini. Mahak masana masabu nollukchakhi aduga siba phao haiba inkhi. (Philippians 2:8).  Maram aduna Iswarnasu mahakpu  wangna thanggatkhi aduga ming khudingmaktagi athoiba minglen bu pibire. (Philippians 2:9).

Nahakna Iswargi haiba inbagi matung inna punshi hingba adu uraga mahak yamna kiribani. Nahakna Iswargi haiba inba matamda Mahaksu yamna penbani. Nahakna Iswarda pisinjaba matamda nahakki thajaba, panggal amadi thouna adu sagatpani. Iswargi asengbada amadi mahakki matik ta nahakna saruk phangjabani.

Pakhonchatpasinggi matamda nipa taretna phattaba thawaibu tanthoknaba hotnarammi. Makhoi thajabada chetna lepte, aduga makhoi Iswargi haiba inlamde. Pakhonchatpasingna Jesugi mingda phattaba thawai tanthokpadu uraga makhoinasu matou tamlammi. Aduga phataba thawaina makhoda asumna khumlammi, “eina Jesu khangi, Paulsu khangi, adubu nakhoidi kanano?phattaba thawai changliba nipa aduna makhoida chongsinduna makhoibu ngamkhi aduga makhoibu maphi maron thongdana chenthokkhi.” (Acts 19:15-16).

Makhoina tanthokke haina hotnaringeida phattaba thawai adumakna makhoibu ngamlakpa haibasi kayada tonthaba phibamno? Iswargi machasing, matam leiba khibikta Prabhugi haiba illu. Mahakki haiba illabadi Mahakna nahakpu panggal kankhat hangani, aduga nahakki lambi khudingda chingbigani.

Dhyan tougadaba, “mioba saktam louduna Mahak masabu nollukchakhi,aduga siba phao haiba inkhi,cross ta sikhiba phao haiba inkhi.” (Philippians 2:8).