Aug 14 – DIBI ISOR KE!

James 4:7 “itu karone, dibi Isor ke. Virodh koribi satan laga aru tai apuni pora polabo.”

Itu rishta apuni aru Isor laga majote tagot hoi apuni nijor ke diya pichete aru kotha mana te Isor laga. Isor apuni laga uporte ase aru apuni laga matha ase. Aru apuni Tai laga gau ase. Tai utu gash ase aru apuni Tai laga theni khan ase. Apuni ke yogyata pabo Tai laga yogyata aru anugrah pabole karone, khali jitya apuni Tai laga kotha ke manibo, jun hi apuni pora upor ase.

Ki karon ase James pora itu likhibole: “dibi Isor ke aru virodh koribi satan laga aru tai polabo apuni pora”? sobses poila pap manu laga tu kotha namana Isor laga itu nimite ase. Satan upor uthishe kilekoile Adam diyana nijor ke Isor alga hath te,Isor laga adesh ke niradar korishe aru age barhi she khabole mana kora laga phal ke. Aru manu tu satan laga niche te ahishe.

Hoilebi ami khan laga Isor Jisu Krista, jiyaishe ekta jibon kotha mana laga Baba Isor laga, ami khan ke mukti dibole satan laga shakti pora. Pobitro kotha te koi ki Tai nomro korishe nijor ke aru manishe kotha mora homoi tok (Philippians 2:8). Itu  karone , Isor bi bishi uncha korishe Tai ke aru dishe Taike utu naam juntu sob naam pora uncha ase (Philippians 2:9).

Satan tub hoi lage utu homoi te hi jitya tai dihe apuni Isor laga kotha mana ke. Isor bi khushi pai  apuni te jitya apuni kotha mane. Apuni uthi jai apuni laga biswas te, shakti aru sahas te , jitya apuni diye Isor ke. Apuni bi ekta bhag ase pabole Isor laga pobitrota aru tagot ke.

Chela khan laga din khan te, satta manu khan pora biya atma ke ulabole korishe. Tai khan biswas te thakanai aru Isor laga kotha ke namane. Jitya tai khan chela khan ke dihishe ulai diya atma khan ke Jisu laga naam te, tai khan  bi itu koribole kuchis koribo. “aru biya atma pora jawab  di  kene koishe, “ Jisu ami jane, aru Paul ami jane; hoilebi kun ase apuni?” titya utu manu junte biya atma khan thakishe, tai khan uporte hoishe, aru tai khan laga khilaf hoishe, inika tai khan polaishe ghor laga bahar te kapra nalagai kene aru jokhom hoi kene.” (Acts 19:15-16).

Kiman bi biya ase  biya atma khan pora ami khan ke cholabole para tu, jitya tai khan ke hosa te kheda bole thaka ke. Isor laga bacha khan, hodai hi Isor laga kotha manibi! Judi apuni mane Tai ke, Tai pora tagot koribo apuni ke aru cholabo apuni laga sob rasta te.

Aji bhabna koribole laga pobitro kotha tu hoile Philippians 2:8: “aru pabole nijor ke ekta manu laga roop te, Tai nomro korishe nijor ke aru hoishe kotha mana laga mora laga homoi tok, morom Kruste  paa tok”.