Aug 07 – Engale Amben a Itsumte!

“Seletten Jisun anin a d’ong jalangle opungeten, E salo, derna-nam surdadam. Engale aman itsumte, ettele deamte. Do antayam saring anin ansalo-onan samangle” (Mattiu 15:28).

Roitadmaran a itsuman ojoraite. Anlen janang kznotabe Bangsa Hangan kambolan, ranoitad-maranji anogalan hadabdam. Angante anogalanji do asanaisajanji Kitungan aganijgij-lingan hadab, Anin engajanang abojoraite.

Kan a dinna a bernan, anlen kznollabe kinani ainslobojan abmele. A dangardi-onan yamkulle do Jisu Kristun amangba abriylen. Delejanang Jisu adnadyarberad, atanakud-lingan Anin gijle a dirnnan, oblingle, asuyeman batte gamle: “Deate itente aman itsumte”. Do kun ayamling a dangardionan samangle.

J’eben aboskaiba do saiba Kitungan abmele agalamben do ahamdong d’ongdamben. Engale U’an asuyemten a Onan amang, Kitungan a suyeman daku butente batongte. Bogad itsumben mailen dakulenden Kitungan amangba, Anin abojoraite engajanang. Jajingante ate kayatingdage anoganding panteji, danuayan batte a itsumanji abojoraiteji jajingante ate. Kun ambrij anogalan Kitungan adnobojoraie. Bindo itedeleja janardin do bo bangsa anogalan batte ogandiba Kitungan a d’ong abgugule senkendrale, Anin engajanang abojoraite itsumben.

U’a-hen, Bhuhangan. Sam Jebadurai, a pwrban a dinnan-lingan, yangle Antantulla Appam’ ogandiba lanadan adelen ate. Angante anin office yireten, anin ogandile a j’e-lingan. Anin ogandile anindaman, yangam abangsa dete bogad Kitungan lanadladan amisinan hanglahenden gamle, eteden hen lanadladan abaran lumtai Janggardadage abaran, ahiman abgugule. Kun abaran abmele amangban lebun adakuad ahiben abmele, anogandin Kitungan amangban abardule.

Jajingante a dinna atiki bo surda maran u’an-hen a d’ong a gijben yiranten, do gamle anlen atimtai aboi printeran do bo bigarda bara-lingan a yirte do bogad aman itsumlamanden hia. Amangban lebun adakuad, aninji odirleji asui asui atiyben abmele. Yang a bangsa Kitunglen ajanardin janibjib-beranji, itedeleja amben a ogandite, anin lumte amben abmele (1 Samuel 20:4).

Ayengan a Kitung Solomon a d’ong banuddin tiyle a itsuman ambrij, ayengan a tumadgijmar Samuel o o’nan adeben Annan a d’ong, ayengan bagu tardin anabsittan tiyle Eliya a d’ong, absittale abdainataben d’ongben janang itente aitsumte.

Okiy Kinolbe absele: “Bar janang Gamangtungan amang lingan m’oihnaba, etteden Anin j’e-ben a itsumanji tiyte” (Sanenken 37:4).