Aug 02 – NAAM DIBOLE!

Genesis 2:19 mati pora Isor Jehovah bonaishe sob jontu kkheti laga aru sob chiriya hawa laga aru anishe taikhan ke Adam usorte sabole ki tai pora ki matibo. Aru ki Adam pora mate sob jivit janwaar khan ke, utu hi tai laga naam thakishe.”

Jitya Isor bonaishe janwaar, chiriya, paudha aru kha loa khan ke, Tai bonaishe tai khan ke ginti te barhabole. Tai adesh dishe tai khan ke ginti barhabole aru pheli jabole, ki sob paudha pora anibo lage ekki kisim laga paudha. Ki sob phal anibo lage phal tai laga nijor kisim laga, ki manu jati pabo bacha khan, aru janwar khan anibo chute kisim tai khan nishina.

Judi apuni jolokia loi, bhabna te, apuni pabo jhal utu hisab te hi, jinni hazar saal agete thakishe. judi inika ase, apuni, junkhan Iosr laga roop aru iki Isor Jisu Krista hisab te – ki apuni bi inika ikki shakti aru raj thakibo nalage Iosr nishina?

Apuni ke bonaishe roop Isor te, aru apuni khan jai thakibo lage Isor laga roop te hi. Apuni khan berabole lage Raja laga Raja nishina, aru apuni laga kaam hobo lage Isor nishina hi. Apuni bi dikhabole lage utu nishi shakti hi, Isor nishina. Ekta memna kande bhera nishina hi, hathi laga bacha berai hathi nishina hi aru sher laga bacha sher nishina hi chate. Itu karone, apuni junhi binishe Isor laga roop te, berabo lage Tai nishina hi.

Jitya Isor bonaishe, Tai dishe naam khali olop tai laga nirmaan khan ke. Isor matishe ujala ke din,aru andhera ke Tai matishe rati. Hoilebi sob alag Tai laga nirmaan ke, tai icha korishe Adam ke naam dibole, kile koile tai icha kore Adam ke utu naam diya laga adhikaar ke juntu tai thakishe.

Isor dishe niom khan ke kilekoile pura manu jati ke utu manibole. Utu homoi te, tai pora ammi khan ke olop shakti khan ke dishe, kilekoile ami khan bacha khan ase Isor khan laga Isor laga aru raja khan laga raja laga. Itu karone hi, Adam pora naam dishe sob janwaar khan ke, sob chiriya khan ke aru paudha aru khaloa khan ke. Itya bi, ami khan cholai utu naam khan hi juntu Adam pora alag alag janwaar  khan, chiriya khan aru paudha khan ke dishe.

Isor laga bacha khan, kitya bi napahoribi ki apuni lora aru suwali ase Isor laga. Aru vyabahar koribi juntu Isor pora dishe raj aru adhikaar, utu rishta laga hisab te hi.

Aji bhabna koribole laga pobitro kotha tu hoile Psalm 110:3 “apuni laga manu khan hobo svayansevee apuni laga shakti laga din khan te; pobitrota laga sundarta te, phujir laga kokh pora, apuni logote thakibo nior apuni laga jowan homoi laga.”