Jul 30 – TAI JUN HI KIMTI ASE!

Luke 21:36 “sabi itu karone, aru prathana koribi hodai ki apuni ke ginti koribi kimti hisab te bachibole sob saman khan juntu par hoho,aru khara koribole Manu laga Chokra agete.”

‘kimti’, mane kunuba jun hi yogya ase. Yogya hobole laga bishi niom ase prayog koribole ekta kaam nimite nahoilebi chunav te khara koribole. Apuni ke lage ekta thik niom pora likha te doctor aru engineer hobole nimite. Jitya tate inika niom khan lagi ase ekta prithibi laga kaam khan nimite, bhabna koribi kiman bishi niom aru yogya lagibo aru yogyata apuni nijor hobole lagibo,Isor laga agete khara koribole! Amikhan bhabna koribo kunuba kotha khan te.

Sobse poila,chela Paul likhe ki apuni khan: “berabi kimti apuni ke mata te ji karone apuni ke matishe, pura komi aru niche hoi kene, dukh pai kene, ekjon ke bordasht kori kene morom te.” (Ephesians 4:1-2). Isor pora matishe apuni ke Tai laga bachakhan hobole, Tai logote thakibole Tai laga bhai aru sathi hobole. Isor pora matishe apuni ke  Tai laga dulhan hobole matishe, Tai lagote rishta thakibole. Isor pora matishe kunuba khan ke jitya tai khan ama laga pet te thakishe, kunuba khan ke toh matishe itu prithibi ke nabona agete, aru kunuba khan ke tai khan laga dukh te. Apuni ke mata laga ki tarika thakile bi, apuni khan ke kimti pabole lage itu matate.

Dusra baar apuni khan kimti thakibo lage subhsamachar Krista te. “khali apuni laga kaam te kimti thakibi  subhsamachar Krista te, ki judi Ami ahe aru sai apuni ke aru apuni aru ami maujud nai, Ami hune apuni laga kaam khan, ki apuni thik khara koribo ekta atma te, ekta mon te mili kene prayas kora biswas te subhsamachar laga uporte.” (Philippians 1:27). Yate ‘Subhsamachar’ laga motlob tu inika samachar laga kotha koa nahoi. Subhsamachar tu hoile morom laga samachar ase, apuni laga atma ke mukti diya laga juntu kinishe dami khun pora Isor laga. Subhsamachar te ase dukh bugha ami khan laga Isor laga, Tai laga moron, Tai ke puti diya, aru Tai laga jit jinda utha te.

Ami khan subhsamachar khan ke ini ahraam pora paa nahoi. Hoilebi bishi chelaa aru pondit khan Isor laga ke morai dishe, jundi jolaishe aru dangor daan dishe, Isor laga subhsamachar Krista laga ami laga hath khan te. Itu karone, yaad rakhibi aru kimti thakibi Krista laga subhsamchar.

Tisra tu hoile, apuni khan bi kimti thakibole isor laga rajyo te. “juntu hi dikhai gawahi hosa faisla laga Isor laga, ki apuni ke ginti koribo kimti hisabte Isor laga rajyo te, ji karone apuni dukh bhugishe.” (2 Thessalonians 1:5). Isor laga bacha khan, achurit mahal khan thik kori ken ease swarg laga jagate Raja khan laga Raja laga rajyo te. Sabi nijor ke, judi apuni kimti ase utu mahal te ghushibole. Kitya bi napahoribi ki ami khan thaki ase ses laga homoi te.

Aji bhabna koribole laga pobitro kotha tu hoile Revelation 3:4: “apuni khan olop naam ase Sardis te jun khan moila koranai tai khan laga kapra  ke; aru tai khan ami logote berabo bog ate, kilekoile tai khan kimti ase.”