Jul 26 – Tai jun hi par koribo pare!

Revelation 2:11 tai jun hi paar kore dukh napabo dusra baar mora homoi te.”

Ami khan laga Isor Jisu Krista tu jita laga Raja ase. Taagot ase dibole apuni ke khemai aru ashish paar koribole aru jitibole pura prithibi uporte, gaua ru satan ke jinika Tai itukhan ke paar korishe. Apuni ke mata tu dhuri kene thakibole jit uporte jit nimite hi ase. Itu hak ase sob biswasi laga jabole tagot upor tagot loi kene. Aru khemai upor khemai tu kosom diya ase apuni ke Isor pora.

Satan pora dhalibo pare bishi bhabna haar laga apuni laga mon te. Tai apuni ke nirutsah kore lobh gau laga di kene aru bishi prithibi laga sangharh ke loi kene mon te. Itu sob homoi te, apuni khan thakibo lage jita laga Isor te bharosa aru Tai laga kotha te. Tai laga  kotha pora hi apuni ke pobitro bonabo.

Bhal pora dhalibi Isor laga kotha ke pauni laga mon aru dimag te, apuni laga bhabna aru yaad te. Itu ke barhabole apuni bhabna koribi Isor laga kotha te, kotha laga shakti pora dhuri kene rakhibo apuni laga atma, mon aru gau ke. Prophet jeremiah koi: “hoilebi Tai laga kotha thakishe ami laga mon te juli kene jui nishina ami laga haddi khan te” (Jeremiah 20:9). Raja david pora koi: “ami laga mon gorom thakishe ami bhnitor te; jitya ami bhabi thake, jui tu jole” (Psalm 39:3).

Judi kotha apuni laga mukh laga aru bhabna apuni laga mon laga pobitro hobo lage, tini hoile apuni laga mon tu bhorta hobo lage pobitro kotha laga padh khan pora. Pobitro kotha te itu bi koi: “kilekoile mon laga bhitor te bhorta hoa te hi mukh pora koi”.

“apuni laga kotha ami lukai ken ease ami laga mon te, ki ami pap nakoribo Apuni laga khilaf te.” (psalm 119:11). Itu padh pora koi kinika david shikhe rahasya ibon ke jitibole. Itu kotha khan bhorta kore ami khan laga mon ke aru modot kuribo ami khan kea mi khan laga kotha te aru jinika ami khan nijor laga jibon ke jiyai. Itu karone chela paul pora likhe: “ki tai jibon najiyabo lage gau te mango lagaa lobh te aha laga homoi nimite, hoilebi Isor laga icha te” (1 Peter 4:2).

Isor laga bacha khan, judi apuni laga mon bhorta hoi ase Isor laga kotha pora, tinihoile apuni laga sapna khan bi saph aru pobitro hi hobo. Judi apuni nijor ke sai aru sapha kore apuni laga monke naghuma agete, itu pora hi rasta bonabo apuni ke dikhibole Isor laag drishti khan ke. Dhyan dibi Isor laga kotha uporte aru porhibi itu ke. Bhabna koribi Tai laga kotha te aru berabi itu laga ujala te. Tinihoile apuni jabo pobitro pora pobitro uporte jit laga jibon pai kene

Aji bhabna koribo laga pobitro kotha tu hoile psalm 119:105: “apuni laga kotha diya ase ami laga theng nimite aru ujala ami laga rasta te.”