Jul 25 – Tai jun hi labdaik ase!

Philemon 1:11 “jun ekbar lab daik thakishe apuni ke, hoilebi itya tai labdaik ase apuni karone aru amike.”

Yate iku labh nai apuni loi jai thaka itu prithibi laga pap laga jibon ke. Itu bishi dukh ase jiyai kene thakibole ekta naukar hisab te pap laga, kilekoile inika jibon pora apuni ke pothai khali narak aru  jui te. Tai jun hi naghure tai laga pap pora aru afsos nakore biya jibon nimite thake ekta jibon shanty porfa dur hoi kene. Isor laga bcah khan, jitya apuni Isor Jisu Krista ke loi apuni laga rakshak aru Isor mani kene, tini hoile apuni ekta labdaik manu hoi nijor karone, apuni laga porivaar karone aru Isor karone hodai din karone.

Ami khan pore pobitro kotha te ekta naukar onesimus laga kotha ke. Tai naukar thakishe  philemon laga ghor te aru polai jai tai laga malik laga gjor pora achanak pora, taike najanai kene. Itu niom khan hi thakishe utu din khan te ki jun naukar polai kene jai, taike maribo lage chabuk pora aru kalkotri te dhalibo lage.

Onesimus jun hi polai jai philemon pora, jai jai Rome te, utu homoi te jitya paul ke kalkothri te dhale rome te. Isor laga khemai pora, aru paul laga mantralay pora, onesimus paishe tai laga mukti. Sabi kinika tai bodli hoishe aru agh barhishe jitya tai Krista te ahishe. Tai jun hi iku kaam thakanai agote, itya bodli hoishe ekta dangor labh hisab te Isor karone aru chela paul nimite bi. Kilekoile tai milishe tai laga porivaar logote Isor laga, aru tai paishe itu subhagya Isor laga bacha koi kene mata laga. Jitya  paul pora tai laga kotha likhe, tai koi: “ami laga chokra onesimus, junke ami dhurishe itu shikli khan te ami thaka homoi pora” Philemon 1:10.

Kilekoile chela paul taike kaam lagaishe dukh pora, titya tok jitya tok tai te Krista pura ahanai, tai mate taike nijor laga chokra (Galatians 4:19). Jitya bi apuni loi jai ekta papi ke aru biya manu ke Isor te, ki apuni bi morom dikhai taikhan ke nijor baba nishina? Ki apuni bi prathana kore tai khan nimite ekta bhar loi  kene ki taikhan Krista ke janibo? Ki hosa bi apuni icha kore tai khan laga atma bhal hobole.

Jitya ekta manu Krista tea he, tai bodli hoi ekta notun manu te, aru sob purana saman khan jai loi. Ekta kam nathaka laga manu bodli hoi labdaik manu  te. Tai laga purana jibon bodli hoi aru tai ekta notun nirmaan hoi, jinika pani mudu te bodli hoi cana laga shadi te. Aru itu nishina hi gawahi diye chela paul pora onesimus laga kotha loi kene.

Isor laga bacha khan, yaad rakhibi kinika Isor pora apuni ke morom kore. Tai pora apuni ke bodli korishe-jun hi naukar thakishe pap laga aru prithibi laga, bodli hoi ekta manu te jun hi sob karone lab daik thake. Aru jitya apuni ke labdaik pai, Isor pora apuni ke uthai dibo uncha pora uncha te aru ahirbad koribo apuni ke dangor ashish pora.

Aji bhabna koribole laag pobitro kotha tu hoile Job 22:2 “ki ekta manu lab daik hobo paribo Iosr ke, judi bi tai jun hi budhiman ase  labdaik hobo nijor ke?”