Jul 24 – Tai jun hi piche nakure!

Matthew 10:38 aru tai jun hi tai laga krus ke naloi aru piche najai ami laga tai kimti nahoi ami ke pabole.

Ekbar ekta manu bhabnakori thakishe ki ase chela bonabole laga,a ru ghumai jaishe. Tai laga neendh te, tai ekta drishti paishe. Utu drishti te, tai jai thakishe ekta dangor karma te jote alag alag kisim laga krus thakishe bishi aru kisim kisim saman pora bonai kene rakha ase. Jitya tai utu karma laga usorte jaishe, ekta duth Isor laga taike swagat korishe aru rakhishe ekta khori laga krus tai laga kandhate. Aru utu manu ekta krus ke dikhi jaishe gulab pora bonai kene thake. Tai utu duth ke sai kene gulab laga krus ke lobule anurodh korishe. Utu Isor laga duth bi kotha manishe aru tai laga khuri laga krus ke bodli korishe gulab laga krus logote. Hoilebi tai olop dur naja agote sob gulab laga pahi khan giri giri jaishe. Aru tiu pora hi gulab laga kata khan tai laga gau te chubhi bole shuru hoishe. aru tai afsos hoikene ghuri jiashe utu duth logote.

Tai koishe: “malik, ami dhokha hoishe bahari dikhavaat pora aru itu pora hi dukh paishe aru khun bi uabole paishe. Morom pora ami  pora itu ki hatai dibi aru ami ke dibi dangor sona laga krus. Ami laga saubhagya hobo itu krus ke buki bole.” Utu duth pora tai laga kotha ke manishe aru ekbar.

Utu bhar sona laga krus ke buki bole tan thakishe. dur naja agete tai mati te phashi she aru dur jabole napara hoishe itu laga bhar pora. Bishi taan pora, tai ulabole parishe utu stithi pora aru tai laga karma te jabole parishe.

Itu baar tai duth ke koishe: “malik, sona laga krus tu bishi kimti ase. Ami bhabna korishe ami pabo sonman aru shabashi manu khan pora, utu krus ke uthaishe koile. Hoilebi ami panai buki bole utu bhar ke. Itu karone morom pora ami pora hatai dibi aru ami ke dibi khuri laga krus ke juntu apuni pora ami ke agete dishe. Ami khushi pora lobo.” Bishi manu sai bahari sundarta ke, sona, chandi aru dhon khan. Itu bishi deri pichete hi tai khan  nijor laaga golti ke buji pai.

Isor laga bacha khan, prithibi laga saman khan ke nasabi. Hobole dibi apuni laga suku ke sabole swarg laga bhal aru sundarta khan ke. Isor pora akha kore apuni ke nijor laga krus ke li kene thaki bole. Apuni khan kityabi naharabo lage apuni laga nazar ke utu asol aru kimti dhon ke juntu apuni karone rakhi kene ase, misa mishi prithibi laga saman khan karone.

Aji bhabna koribole laga pobitro kotha tu hoile Matthew 16:24 titya Jisu koishe tai laga chela khan ke, “judi kunuba icha kore ami laga piche ahibole, tai ke nijor ke cheribole dibi, aru lobo dibi tai laga krus ke, aru piche hobole dibi ami laga.”