Jul 26 – Butente Dainan Hangte!

“Butente dainan hangte anin enga dele janang aboi saring anab bagu karahidan batte anasudan adde-e” (Anabpungge 2:11).

Kitunglen Jisun daina Raja. Anin d’ong-ben ranaptin tiyte asuyeman batte dainan do ordaran saring dainan ahangte, d’ongan do sonuman, engale Anin dainan hangle. Ganudingben dainan saring dainan ahangben. Dile mandran kan hadabna ranadun saring ranadun ahangben. Do asuyeman saring asuyeman itente janzbjzban tiyle Kitungan.

Sonuman absuitaben er dainan j’e-ling-ben. Anin agadluben asan mandrengna-ling-ben kanurkuran pangtai ordardage aganijmadan batte. Kan kudduban, amben a derdernaben dete daina Kitungan do ordar-lingan Anin ayamling. Aberna batte manridan ahangte.

Kitungan a bernan j’e-ling-ben do monna ling-ben, anogandiben do ganalam-ling-ben. Abawrben dete Kitungan a berna a tiyj’enaben, ranapti beran janggarda-ling-ben raabdute, pwradaben do d’ongben. Tumadgijmar Jirimiya gamle: “seletten j’ang-ling-henji do uggar-ling-hen berna-Nam hamangtudge hamangte” (Jirimiya 20:9). Rajan Daudo gamle: “Uggar-hen tanagin dele; ogalata ogalata hamangtudge delih.Seletten hen al’ang-hen batte berrenai” (Sanenken 39:3).

Bogad bernaben do tiyj’enaben j’e-lingben marid dakuben dete, j’e-ling-ben Marid Bibolan a bernanji barij dakuben dete. Bibolan janang d’onglen gamte: “awrloge t’odan bernan berten”.

“Yante gamle hen d’ong-Nam asanggemle pintun adlumai. anten asan hen uggar-ling-hen berna-Nam tartumle dakkutai” (Sanenken 119:11).  Kan abernan gadlamlangten Daudo yangan daaina hangle amandrengna-lingan. bernan j’e-lingan adakkuben dete, mandrengnalen anabhanlen sanayaman dete. aten asan Anappai Pitor idolle: “mandranji a tam pansardi-ogiran ambrij ted, bindo Kitungan a tam itsuman ambrij nam saring d’ong lingan alagu ayaman mandrengnan abhanate” (1 Pitor 4:2).

Tanahimdam Kitungan a onagji, bogad j’e-ben barij deben dete Kitungan abernan batte, ganumteben jam marid do mardir dete. bogad ambendaman tungjingdamlen do madridle j’eben dimadnaba ayirrenden, etiden amben Kitungan abmele ganumte agijte. Kitungan aa bernalingan tiyj’enaba do kznolba. Aberna-linga tiyj’e-len hanaba apanuang-lingan. etiden amben manaridan saring manaridba ayirte do barij dainan ahangte mandrengna-ling-ben.

Okiy Kinolbe absele: “Berna-Nam j’eng-hen apsele lippan, do tangor-hen apsele paniradan” (Sanenken 119:105).