Jul 22 – Butente Anuran Hangle!

“E salo, banzmbman-nam saring aman anuran delam” (Luk 13:12).

Kitungan Jisu ablute barij kanalkalbenji, lanumudan aranptinji, banzmbzman do saring anuran.

Angante Jisun hanangan tiyle aboi sinagun abmele, Anin gijle aboi inslobojan, butente banzmbzm-lingan dakule mihgal-tudru mihnum sikkoija. A d’ongan tanolbadan dele do anindaman delen adrabtead. Anin a d’ongan gudingle amangba, asin abjable do absamangle, kan ambrij ayam-ling layumna dinnan dakule. Bindo sinagun a dane-mar adnisumad, Jisun a d’ongan absamangle layumna dinna-lingan; do anin gamle onla-maranji a d’ong, “Tudru dinna mandran abaranaben dete; aten asan, yiraiba sananmangan hangba, bindo layumna dinna-lingan ted.”

Kitungan a d’ongan abyerberle gameten, “Bar gijba, miggal-tudru minhum sikkoi janang duaih suman kan insalon a d’ong tolbadeten. Anin Abraam ansalon a delen asan laywmna dinna lingan kan tanolbadan saring anuran a hangben adde-e po?” (Luk 13:16). Yagi bernanji daku kan ambrij Kitungan Jisun agamlen ate:

1.Kun inslobojan Abraam adangardion

2.Sonuman tolbadle dakule mihgal-tudru mihnum sikkoija

3.Anin anuran ahangben dete

Kun apsele anin amangban kanalkaldageted mihgal-tudru-mihnum sikkoija tanolbadan adelen asan, okij bo dinna dakuben dele. Bindo Kitungan anabdindinad absamangben asan, do anin kuni a dinna-lingan sanamangan ahangben dete gamle, layumna dinna dakuleja. Anin adnogandiad dinna abmele orde dane maran abmele janang. Anin a d’ongan absamangben asan, Anin aboi abraam adangardionan dakule.

Dile mandranji butente dertenji Jisu Kristun amangban, abraam aoananji, Daudo ja do Jisun amandranji. Bibolan gamte: “Etteden yante gamle bute bute dernan saring deleji, aninji Abraam a onanji na, antate galamba” (Galatianji 3:7). Angante kan ambrij, banzmbzman saring abdindindongne sanamangan ahangben asan.Kitungan ayengan a inslon a d’ong absamangle mihgal-tudru-mihnum sikkoija abzmbzman, d’ongben ja sanamangan ahangte.

Ogandiba banzmbzman batte d’ongan eratul abmete. Ateng ayam, er maridan a janggaardan batte banzmbzmanji yitai. Dernaba Kitungan kudduban sonuman abaran absitte. Angante amben aderten, Kitungan d’ongben  absamangte do absittate.

Okiy Kinolbe absele: “Jumbwr maran a jumbwrben, a kabhidben do abs’zdben asan maih yertai, antate sadan sadle anin adniyai. Yante gamle aninji mandrengnan rapti hangteji, do awrdage antate rapti hangteji, kun asan Hen yerrai” (Jon 10:10).