Jul 20 – Butente Jontunji ampara Sanuten!

“Episi garda lingan bogad hen mandradage jontunji ampara arsanu- laienden, antate hen apsele iten a handrang? Bogad. karahid maranji yanarmeng anabdznan addelenden,- maba a jumba- a igaba, iten” asan gamlenden biyo anlen kahidtabe” (1 Korintian 15:32).

Kan berna-lingan, ‘jontunji’, a garamgaman jolda hangantiy-maranji abmele gadlamte. Anappai-maranji ayam-lingan, ateng janoldan hanangtiy-maranji dakule. Sadukinji – bo ompu, gamleji yanarmengan agasa, kznoraihan do sonumanji agasa. Bo bigarda ompun, gamleji ganadreban, kanuban do papwr anosaijan ambrij alumben dete. Namitan mandranji adgalameji Kitungan Jisu Kristun abmele. Anappai Pol Episi gardaban kan ambrij jolda hanangtiy-maranji batte sanuneten.

‘Jontun’ aboi jolda Kristunji, do ateng anidolan delen kan jontun gamle anabpungge kambol-lingan. 13 a surda-lingan, anlen kznoltabe: “Bar ganingan saring a dunglen a jontun a d’ong hen gijlai…. kidan a t’odge gittale. Anin a ranaptin, a raja garobgoban do a gugu danen surda j’adan a d’ong tiyeten” (Anabpungge 13:1-2). Ganungan saring ateng jontunji ayirtaihji ambrij, ateng janolda hanghangan do er bangsa hanangan yaryarmanengban daku, bo surda sanonsodage abgijtaten ambrij.

Jolda hananghangan, anappai Jon gadlamte d’onglen, gamle: “E timyim maranji, dile janggardan a bernan  a derdongne, bindo janggardanji Kitungan saring orde, antate a galamben asan janggardanji a d’ong tungjengba. Iten asan gamlenden ateng jolda tungmadgij maranji ordarban dunglen yerraiji. Kan batte amben Kitungan a Janggardan a d’ong abmadte do, Jisu Kristun d’ong lingan yeraiten, gamle abpengbaten a dile  janggardan Kitungan saring dele Bar Jisun a d’ong adnabpengbaen a dilejanggardan Kitungan saring ted. Kanate asanggem-Kristun a janggardan na. Anin yertai, do namintan ordar lingan andreng daku, gamle amben amdangle” (1 Jon 4:1-3).

Bogad amben adsanulenanden janoldan hangang abmele, kan batte ateng mandranji san’idan dete. kan a hangan batte erbangsagodban anurungan dete nami a Kristu-maranji a d’ong. Aninji butente janggardadage ertulan daku do butente bigardanji a d’ong sarigoi adnabhanae.

Tanahimdam Kitungan a onagji, bogad amben aagarberben dete sarigoi ahangan ahangben abmele, do Kitungan ahangben, jolda hangan saring amben anablun ahangte. Janoda hanganji Kitungan amangban surpidle garbernaba do galamba kan ate o o orde itja.

Okiy Kinolbe absele: “Kani satta itsum hen daku do, Kristun a bangsa anoblengan a tungna gangkil maranji ambrij amben a mandrengnan abhanaba, yante gamle hen iyan iyle d’ong ben gijlaienden, orde adamban er dakulenbe, engale amben bo janggarda lingan erztnage tanangan tanangle, bo pwrardan batte bangsa anoblengan a dernan apsele anrukkun a erte a guijte, antate amben abmele hen rapti amdangtai” (Pillipi 1:27).