Jul 19 – TAI JUN HI KUCHIS KORE!

Colossians 1:29 “itu ses tea mi bi kaam kore, kuchis kore Tai laga kaam khan te juntu ami te tagot pora kaam pora.”

Apuni kitya bi lorai nahoile kuchis nakore apuni nijor laga tagot pora, hoilebi Iosr laga tagot pora hi, juntu apuni logote tagot pora kaam kore. Itu khali Tai laga tagot juntu apuni te ase, ki apuni inika jit pai atma khan pap laga uporte utu swarg laga jagate.

Ekta manu karone jitibole dusra manu uporte, tai khali nijor laga tagot ke jana nahoi hoilebi tai laga dushman laga tagot ke bi jane. Apuni khan jani thakibo lage ki atma khan apuni laga kkhilaf te lorai kori aase itu atma laga jibon te. Sob ghor te, alag alag kisim laga atma thake juntu lorai kori thake.

Ami khan puribole pai atma suku jola laga, Numbers 5:14. Ghorte, jitya maiki pora chari diye aru mota ke dhoka diye nahoile judi mota pora dhoka diye tai lagamaiki ke, tini hoile atma suku jola laga ghorte gushe. Chutu kotha nimite bi, mota gussa hoi tai laga maiki logote nahoile maiki bi tai laga mota ke olop te hi beya pai thake. Juntu homoi te inika atma motate ghushi jai, itu pora taike bonai gussa hua, aru tai ke moarai diya laga adesh khan pora bi cholai thake. Dur thakibi itu atma khan  pora aru anurodh koribi Isor Jisu ke, shanty laga rajkumar ke, shanty aru morom nimite.

Samuel 16 te, ami khan ahram nathaka atma ke. 1 Samuel 16:14 te “hoilebi Atma Isor laga jaishe Saul pora, aru shanty nathaka laga atm pora taike digdar dishe” 1 Samuel 16:14. Jitya inika ahram andiya laga atma ekta manu te ghushe, tai laga mon tu hodai din hi digdar te thake iku karon nathakile bi aru tai mon te chinta koribole shuru koribo. Inika atma khan ke khedabole nimite, apuni khan Isor logote thik thakibole aru mili kene thakibo lage aru morom laga bhabna Isor nimite mon te thakibole lage.

Ami khan misa koa laga atma bi dikhe 1 Kings 22:22. Manu khan inika atma pora bondhi kene thaka khan hodai din hi misa koi tai khan laga sob kam khan te. Tai khan hodai hi bhabna kuribo kinika manu ke thogabo? Kinika manu khan pora poisa lobule paribo misa bahana kori kene? Itu laga labh khan olop homoi nimite hi ase, holebi itu pora ami khan ke letra aru biya  pora bhorta kori dibo ami khan laga mon te. Itu zaroori ase ami khan bisaribole khemai Isor laga itu atma khan porachutkara pabole nimite aru pap pora bi.

Aru bi bishi biya atma khan ase ji pora atma laga lorai kore apuni khan logote, jinika samaj te thik thakibole napara laga atma (Isaiah 19:14), ghumai thaka laga atma (Isaiahn29:10), therav nathaka lag atma (Luke 13:11).. aru inik hi bishi atma khan. Inika khan logote hati kene thakibi. Gali di kene khedai dibi Isor laga naam te, aru tai pora dibo apuni ke jit apuni laga sob lorai te.

Aji bhabna kora laga pobitro kotha tu hoile 1corinthians 2:12 itya ami khan paishe, nahoi atma prithibi laga, hoilebi atma jun khan Iosr pora ase, ki ami khan jane ki itu muft pora  diya laga ase Isor laga.