Jul 16 – Tai jun hi biswas kore!

Isaiah 28:16 jun bi biswas kore tai joldbazi nokoribo.

Biswas kora tu hoile sob manu laga adot ase. Jun bi pura biswas thake Krista ke, tai khan kitya bi bhoi nakoribo, nahoilebi tara tari nakore.

Apuni khan thakibo lage biswas te. Apuni bi thakibo lage hilabole napara laga biswas ji pora Isor apuni ke kitya bi naphela bo. Junhi pura nirbhar kore, tai khan kitya bi sorom te nagiribo.

Aji khan laga homoi te, bishi baar inika hoi I pora manu ke bhoio khilai diye. Satan – jun hi ami khan laga dushman ase, ani diye bhabna nakora laga haar,luksan, durghatna, bimar aru dukh khan jibon te biswasi khanlaga tai ke digdar dibole.

Ekta uthi thaka vyapar achanak se giri jaile, bishi luksan hoi. Dangor durghat na, ji pora ami khan morom thaka manu ke harai loi. Ami khan shanty aru khushi ke harai loi  aru bordasht koribole napara laga dukh pai, jitya ami khan laga porivaar bhange. Hoilebi apuni khan kityabi joldh bazi te kaam nakoribo lage. Aru jitya apuni Isor laga uporte nnirbhar kore,a ru koi biswas ke, itu homoi khan bhal te kaam kori jai. Itu bhal ase ki bishi khan najane itu laga rahasya ke.

Jitya  Israel manu khan gussa uthe Isor laga khilaf te aru Moses laga khilaf te, aru taike biya pai Moses joldh bazi te thakishe. Itu karone tai Isor laga adesh ke mana nai ki ktha koribo lage utu pathor ke hoilebi rod pora mari hi dishe.

Aru itu joldh bazi te, tai koishe kotha ahbiswas laga itu hudi kene: ‘k Isor pora anibo pani apuni karone itu pathor pora’? isor laga mon tu bishi bikhaishe. Aru tai laga itu kaam pora, Moses tu kosom diya laga jagate jabole paranai.

Utu rati te jitya ami khan laga Isor ke mana korishe, chela Paul bi bishi bhoi lagishe tai laga mon te, aru tai mana korishe ki tai Isor laga chela nahoi koi knene, jitya hudishe taike utu naukar kora chukri pora. Najani kene ki tai ki kori ase, tai Iosr ke shrap dibole bi shuru hoishe. Aru pichete tai kandishe mon tita hoi kene.

Joldhbazi kora tu hoile bishi bikhai aru itu pora hodai din laga jokhom kori diye apuni laga mon te. Apuni kitya bi thik faisla lobule naparibo, joldbazi te. Jun bi biswas kore tai kitya bi jldbazi te kaam nakoribo. Tai jun hi khara kore ghor ke pathor te, kitya bi joldbazi te nathake. Isor laga bacha khan, judi apuni khara korishe apuni laga Jibon ke ISOR KRISTA laga pathor te, apuni kitya bi nahilibo.

Aji bhabna koribole laga pobitro kotha tu hoile John 14:1 apuni laga monk e dukh koribole nadibi; apuni biswas koribi Isor ke aru Ami ke bi