Jul 16 – Butente Derten!

“Ayengan a mandra derderten, anin er uywbge adde-e” (Jisaiya 28:16).

Drena mandran amang-lingan murdadam. Butedeleja Kristu-lingan badturten barijloge, agaja kalaibelaige, kanalkalge orde dalgadge adde-e.

Amben ambendaman a dernaben dete. Amben raduloge adernaben dete Kristu-lingan erudnage etiden d’ongben adkaridae. Kitung-lingan butente barijloge batturten, ganaroijan adde-e.

Nami a dinnaji, ateng kanalkalan batte barij daku, mandran a d’ong abadtongte. Sonuman – a baran, erobjongdage akanalkalan pangtai, erabdaina, abumungtanagadan, bzmbzman do itente anabkalkalanji, abkalkalben asan.

Bo surda baranji abumung itente adeten ate, bo surda tanangadan batte. Tanangdanji yirtai, tanimyiman arasudan. Sanabyun abs’idtaben do man’oihan do ersaidage arasudanji, angante aldungdage pasijleji a bzrznda-lingan. Bindo amben er uywbge addedong. Angante amben Kitung-lingan abatturten, do dernaben apemengte, kan a kanalkalanji bandaten. Kan ambrij, itjaja er ogandilebe kun ate asosodage.

Angante Israel-maranji murmurloge deleji Kitungan atimangba do mojes amangba kan ambrij gamle, Mojes er uywbdage dele. Kun asan kan ambrij lumle do gamle bo surda arengan a d’ong do a s’I tiredle do a danggun batte bagu tangor kun areng-lingan tudle.

Do kun er uywban batte, anin janang erdernan batte kan ambrij gamle: ‘Kitungan kan arengan saring d’an pangtai po’? Kitungan a udgaran boi boi aldungle. Do a baran ambrij, Mojes ardule adrabtiad anosaij desaban.

Bo orub-ling Kitunglen Jisun a d’ong adgalamai gamle Anappai Pitor gameten, a j’e-lingan, do Kitungan a mandran gamle anin adjad, angante bo anualan yiraiten bo boantiboijan amang saring. Er galamlaben anin iten lumte, anin Kitungan a d’ong angle dakulen. Do atanakud-lingan edlen dakuneten.

Ajardinan er uywban batte bo surda arasudan pangtai, do kan ate dile ayam abmele mandrengna-ling-ben dakuten. Amben kan ambrij onogandinji pangle adrabtie, er uywban adnang. Butente derderten anin agaja er uywbge adde-e. butente a s’ingan bo surda areng-lingan gutulle, agaja er uywbge adde-e. Tanahimdam Kitungan a onagji, bogad amben Kristun areng-lingan mandrengna-ben agutul-lenden, d’ongben er yuryurge adde-e.

Okiy Kinolbe absele: “Amben a uggaran galaih piyaihge dedongete, Kitungan amang lingan deernaba, mang-ling-Hen ja dernaba” (Jon 14:1).