Jul 12 – Butente Janggardadage!

“Bindo Janggarda taramtamdage a mandra kuddub janabanji _ a tarungnan rapti bitsarate, bindo buteja anin a dong a bitsaraben asan dane ted” (1 Koritian 2:15).

Bibolan bagu tubtuble Kitungan a pasijanji a d’ong: buten buten ate Janggardadage do buten buten ate d’ongdage. Buten buten ate janggardadage batte anabtagoran dete. Uante janang butente d’ongdage dakute, aitsumdamanji ambrij hatenji do atanakud-lingan sidteji.

Bibolan gamte butente janggardadage bitsarate kuddub abmele, orde barij abmele kuddub-lingan. Anin kuddub garber-lingan dakute, Kitungan atimangba do barij surpiddamna batte atanakudban yirtai, itedeleja, Kitungan atimangba yirben dete do anablun hangtabe, do barij man’oihan batte. Barij anogalan batte kuddub-lingan.

Angante amben agijte pitor amandrengna abmele, anin ordardage amengbnaben abmele dakule. Angajanang atalaiban ayam-ling, anin janggarda-lingan surpidamnaben dete. Kitungan gamte a d’ongan: “Jarditen gamle Hen opungtam, aman danggardalen adnang amandam jidublen do uante aman itsumle tetten endungle. Bindo aman talaibaten adnang aman urpadsite, do bo bzgarda mandra abjidubtam, bar aman adnitsume tetten uante urungtam” (Jon 21:18).

Janggarda-lingan amben a surpiddamtenppo? Banitsaran abmele hanglen kuddub abmele agalamben dete. Agajanang amben daman aogalte, ogandiben dete kan ate hadab dete Kitungan a bernan batte orde itja. Kitungan atyimangban goba do gadlamba, barij anogal-j’e batte Kitungan atanurdun yirtai do ganadlamberan ahangben dete.

Daudo abmele gijgijba. Barij tiydamana batte Kitungan atimangba surpiddamlen. Anin garberlen gamle: “Kitung, d’ong-hen sanilsaijih do uggar-hen galama; d’ong-hen tungjengih do anogal-henji galama. Bar alung-uggar-hen iteja danuaihan daku orde ijja, Aman gija, do er ahidgod lingan d’ong-hen abanjengih” (Sanenken 139:23-24).

Tanahimdam Kitungan a onagji, anogal-ling-ben abagandile ayirben dete, berna-lingan do lanum-lingan. Oskailen dakunaba hanangasn atiyben do Kitungan a berna-lingan atiy-j’enaben. Angante Ordaran d’ongben gijgijte, butente d’ongdage amanagad-lingan urungtaben amben kun abmele akudidong orde butente Janggarda-lingan gadlutaben. Er-handraman-ajanabanji aogandidong. Barijloge tiydamlen daina hangle adakunaben dete.

Okiy Kinolbe absele: “Bar aninji Anin a d’ong ualle gamleji, E Hanghang Mar, yante gamle Aman roitaddage bernan opungte, do hanangan tiyte, bar buteja a d’ong a baiyera taramtaman asan ajjae, bindo janardin batte Kitungan a godan hanghangte, antate anlen a galamtai” (Luk 20:21).