Jul 11 – TAI JUN HI ADHIKAAR ASE!

Romans 13:1 hobole dibi sob atma ke dibole choli thaka adhikaar manu khan ke. Kilekoile iku bi adhikaar nai Isor ke chari kene.

Isor pora apuni ke shakti aru adhikaar dishe manu khan laga uporte. Aru utu homo te hi, Tai akha kore apuni ke dibole apuni laga cholai thaka adhikari khan ke. Isor Jisu tu sob adhikaar thakishe  swarg te aru prithibi te, hoilebi Tai hodai din hi thakishe adhikaar te Isor Baba laga. Tai koi: “ami laga khana tu ase icha koribole Tai laga jun pora ami ke pothaishe,a ru tai laga kaam khotom koribole”.  Tai hodai hi rokhi thakishe Tai laga Baba laga kotha ke. tai kotha mani thakishe icha koribole Isor Baba laga aru pura hi arpan korishe nijor ke Baba lag adhikaar te.

Apuni itu adhikaar ke paishe isor Jisu Krista pora, chokra Isor laga. Tai pora apuni ke adhikar dishe biya atma khan laga uporte, bimar laga uporte, prakriti laga uporte aru sob biya shakti khan laga uporte. Jitya apuni itu khan sob adhikaar thakishe, apuni hodai hi dibole lage nijor ke Isor laga adhikaar te.

Kunba khan tu achurit koribole mon jai Isor laga naam te, hoilebi namanibo Isor laga kotha khan ke. Tai khan nidibo nijor ke Isor laga naukar hisab te  jun pora hi tai khan ke itu atma laga rasta te loi jai ase. Pobitro Kotha te sapha pora koi ki sob manu nijor ke tai khan laga cholai thaka adhikari khan ke dibole lage. Itu namumkin ase jitibole kotha namani kene.

Subeddar pora koi: “kilekoile ami ekta manu ase adhikaar khan khan lag nichete, aru ami laga nichete sipahi khan ase. Aru ami itu koi ekta ke, ‘jabi’, aru tai jai; aru koi alag ke, ‘ahibi’, aru tai ahe; aru ami laga naukar  ke, ‘koribi itu’, aru tai kore.’ (Matthew 8:9). Kile koi tai ekta subedar, tai bi ekta adhikar ase niyantran koribole ek sau sipahi khan ke tai khan laga adhikar te. aru utu homoi te, tai bi pabo adesh khan alag subedar pora roman sipahi khan laga,a ru itu kemanibole hi lagibo.

Apuni khan nior porivaar ke hi itu laga namuna hisab te sabole paribo. judi apuni utu porivaar laga maiki ase, Isor pora hi apuni laga mota ke utu porivaar laga matha hobole dishe aru adhikaar apuni khan sob laga uporte dishe. Aru nijor ke apuni laga mota laga adhikaar te di kene, apuni Isor laga kotha bi mani ase. Aru jitya apuni utu kore, apuni dikhibo ki apuni laga bacha khan bi nijor ke dibo apuni laga adhikaar te aru apuni laga niom te chulibo.

Inika laga hisab te, Isor pora chunishe subedar khan ke apuni laga uporte apuni laga kaam jagate. Aru apuni nijor ke dibole lage tai khan lag adhikaar te Isor laga. Apuni laga podh tu ki thakile bi, apuni dibole lage nijor ke pura mon di kene apuni khan laga uporte thaka adhikari khan ke.. tini hoile isor pora apuni ke sonman dibo aru uthai dibo.

Aji bhabna koribole laga pobitro kotha tu hoile Daniel 4:26: “apuni laga rajyo hosabi apuni laga ase, itu jana pichete ki swarg hi rajyo kore.