Jul 09 – Er-Dusan!

“Aman anin a d’ong abs’zddong. Butente Gamangtungan ansaneda rajan a d’ong abs’zdte, Gamangtungan anin a d’ong ajardin na panadradan tiyte” (1 Samuel 26:9).

Daudo asanengsengan dakule. Aten asan Sol alangka-lingan as’in adjabad, arznrzndarakuna-lingan adakule adnang janang, Sol Kitungan batte janababan dele, do kun batte galamtabe Daudo iten asan sagai dakuneten.

Sol Daudo a d’ong a kadhid-ben asan arznrzn darakunaban yirre, do tambagal doldolle. Abner, sanu-maranji adanemaran, butente a d’ongan rabrabte, hiyeten dimadne. Do bagunji ranabangan dele Daudo batte, do edjaja adakuad anaduran ahangben asan Daudo a s’in saring. AAbhisoya gamle Daudo a d’ong, “Nami Kitungan asangem-mar-nam s’i-ling-nam dakule. Nami aten asan, kabhida, ordaran saaring; do anab-bagu tara kanadhidan adakue!”

Nami, ateng mandranji dungtinaiji bo tanongor batte abs’idben do kuddub ayam abmele, Kitungan jabable. Aninji Kitungan a bernan eramdangge abmetenji do iteja anabsujan adea. Bindo Daudo Kitungan amandran asan, anin barij gamle galamle Kitungan a j’en do barijloge Kitungan a bernan galamle.

Anten asan Daudo gamle: “Aman anin a d’ong abs’zddong. Butente Gamangtungan ansaneda rajan a d’ong abs’zdte, Gamangtungan anin a d’ong ajardin na panadradan tiyte” anlen gijtabe Daudo agamten a bernan, anads’idbe gamle. Anin gamle: “Butente a mandran a d’ong GAMANGtungan rajan abme-eten, anin a d’ong abkalkalben asan GAMANG-tungan d’ong-hen dangdangihte. Bindo aman a b’oban adam a szllan do a darakkudan abasuyem gamle I panga” (1 Samuel 26:11). Kan ambrij sanengsengben dakupo? Bogad mangben dakulenden Kitungan a janababan ahangben abmele oskainaba, etiden Kitungan d’ongben abdainate do ranaptin batte do bo bangsadage.

Pwrban ayam-ling, Abram tambu-s’ingan gabdile do angalanji batte; do a onan Isak a d’ong tolbadle do taamule akubben asan, angal-lingan. do Abram tirids’i-ling do kundin hamle akadhidben a onan a d’ong. Asui-ayam sattang dakule Isak amangba. Ruangan ringlen dakule asui ayam abmele, dakulen adrabtiad ateng ayam. Ruangan saring Kitungan a pissirdian gamle Abram a d’ong: “S’inam abjabdong rznna. Kabdablen Abram do Abram a d’ong sedale bo surda jujulen ambrij”.

U’an janang a s’I atiridben a onan alangka-lingaan anordin agasa, kan batte janardin beran gijtabe Kitungan ajanabab-lingan. ruangan anordin adtie alumben abmele. Tanahimdam Kitungan a onagji, agaja Kitungan aboantanji alanka-lingan ayirdong.

Okiy Kinolbe absele: “Kitungan a tanabngij- maranji asanggem lingan buten rapti abdusate? Butente roitad, gamle disamte, Anin Kitungan na” (Romi 8:33).