Jul 08 – TAI JUN SAI!

Matthew 6:26 sabi chiriya khan ke akash laga, kile koile tai khan kitya bi nalagai nahoile nakate nahoile bi bhoral te jama nakore; hoilebi apuni laga swarg laga Baba pora tai khanke pet bhorta kore. Ki apuni itu pora bi aru kimti ase?

Itu prithibi tu bhorta ase chinta khan pora jinika pani pora bhorta kore sagar ke. Ki iku bi chinta khan ase, ji laga iku karon nai-chinta kali khana khabnole laga, kapra pindhibole laga, aha kali din laga, nahoilebi dusra manu khan laga aru chinta nijor laga bhoi pora ulai kene ase. Judi bi apuni itu chinta khan ke pahoribole mon jai, apuni hunibole lage Jisu laga salha ke. Aru Tai laga ekta sapha salha tu itu ase ki sabole tai laga adot khan ke.

Bhal pora sabi chidiya khan ke juntu hawate ure. Tai khan dhan bi nalagai, naholebi bhoral te jama nakore. Hoilebi swarg laga Baba pora tai khan laga pet ke bhorta kore aru tai khan laga dhyan rakhe. Sabi kheti laga lilly phul khan ke, tai khan dhyojyo bi nathake aru nagvhure bi. Aru Solomon bi tai laga pura mahima te saji kene thakanai. Itya Isor pora kapra lagai kheti ke ghas pora, ki tai pora apuni ke bi kapra lagai nadibo? Itu karone chinta nakoribi.

Jitya apuni khan chutti manabole jai pahar jaga khan te gorom mausam te bi, sabi iman sundor phul khan ke pura rasta te. Tai khan iku bi chinta nai. sabi prakriti ke ghas khan logote aru paudha khan ke bi. Tai khan pora ami khan ke sandesh diye ki ami khan hodai hi khushi thakibole lage aru chinta nakoribole lage.

Jitya apuni jabo Courtallam te, apuni khan dikhi pabo bishi sundor  jharna pani khan ke aru pura kheti sundor phul pora bhorta hoi kene. Aru apuni laga mon ke chui diye tai khan laga sundarta pora. Apuni laga sob chinta khan apuni laga mon pora hati jai aru bhorta hoi Isor laga mahima pora.

Ekbar ekta biswasi jaishe bhorop pora dhaki thaka paharte North Pole phine, ekta research team hisab te.  Achanak pora barfani toofan ahishe , tai ke dhaki dishe barop pora hi sob. Kile koile tai iku bi rasta thakanai bachibole, tai shuru korishe seva koribole Isor lagaa itu koi kene: ‘ekta swarg ase itu borop laga pahar uporte. Bishi unginat tara khan ase ji tu chamke iman ujala pora. Isor jun hi mate sob tara ke ekta ekta naam pora, tai hi chunishe ami ke bi ami laga naam pora. Aru Tai hosa bi ami ke bachabo.” Aru Isor pora achurit korishe- pothai kene tai khan laga ekta reaserchers khan ke khundibo di kene utu jagate hi, aru utu achurit pora, utu biswasi bachishe.

Isor laga bacha khan, apuni laga ki homoi thakile bi- chinta hobi, mon dukh hobi, nahoilebi dukhiya hobi- sabi Isor laga putro ke, jun hi bohi ase Tai laga rajyo te swarg laga uporte. Aru Tai pora  hi hosa bi apuni ke bacha bo, aru apuni laga zaroorat khan ke pura koribo aru dibo apuni ke shanty.

Aji bhabna koribole laga pobitro kotha tu hoile Proverbs 12:25 “chinta manu laga mon te diye bhabna, hoilebi bhal kaam pora itu ke khushi kore.”