Jul 05 – Butente Ogalj’ete!

“bindo osantan GAMANGtungan anosai a mananne lingan old anin m’oihte, do kanate tamba-togal anin ogalj’ete, anin man’oihdam” (Sanenken 1:2).

Kan a berna-lingan anabsittan mandrengna abmele. Kitungle Jisun Ogaalj’ele ahangan batte ateng mandranji anabsittan dele. Do kan a berna-lingan, Daudo abpunggele asoso anabsittan mandrengna.

Bo tonanan butente school-lingan bara-ling do gaganan ayam-lingan anin garbernan aroyongan pangle. Bindo schoolan asurda maran, galamle kan abmele, do adkadable kan ambrij agarberan. Ateng asan, anin ateng baran tiyle kun tonanan a d’ong hostel-lingan agijgijben abmele. Angante kun tonanan aroyongan adhangad agarbernaben abmele, anin royongan kan ambrij abmele ogalj’enaben asan.

Aten asan, kun a dinnan saring, angante anin gijgijte pasijanji a d’ong, kun ayamling anin ogalj’elen dakuneten: “Kardzngba, do Hen na Kitungan” (Sanenken 46:10). Do amandrengna anab sittan dele, kun a dinnan saaring.

Itedeleja kan ambrij ayaman saring, amben a tiyj’enaben dete Kitungan a berna-lingan. amben abgugule a senkendraben dete Kitungan a d’ong, Janggardadage a kanznan batte agajanang. Angante amben ahanagodten orde surda bara-lingan dakutaben, ogalj’enaba Kitungan amangba. Engale Bibolan gamte, man’oihdaam butente Kitungan a berna-lingan tiyj’eten, togal do tamba.

Nami, ogalj’en iten? Kan ate jaruloge Bibolan a bernan do abgugule Kitungan amangba adakunaben. Angante anlen jaruloge Kitungan abernan tiyj’etenben, mona-ling-len bo bangsa himna hangtaben. Do kan ordar-lingan, itente ajanabanji batte anlen sagailailangten tiyj’enan saring. Anlen janang j’elen madridle Kitungan a tanimyiman batte barij deben dete. kunina ate bo bangsa baran!

Bibolan gamte: “Kan anosai kambol beranji t’od-nam saring dunglen yerdongete bindo aman antate a tam anidan ambrij a manneben asan tamba-togal kenolle j’e-ling-nam ogalla, etteden aman a godan anojoraian dete bar aman apsele banangsan dete” (Josua 1:8).

Tanahimdam Kitungan a onagji, engale amben atiyj’eten Kitungan a berna-ling, J’e-ben barij dete do amben agijte Marid Janggardan abarij ajanababan. Do Kitungan aganugu ajaru-j’e-ling-ben barij dete. Kitungan a berna-lingan tiyj’enaba, dile tamba do togal, do bo bangsa hangdrangan hangba Kitungan amang saring.

Okiy Kinolbe absele: “Kuddub hanghang mar-henji saring hen awr banuddidam, iten asan gamlenden sakkiber-Namji apsele hen ogalj’etenai” (Sanenken 119:99).