Jun 27 – PREMEMA SAMJAYEVALO

Philemon 1:7  Ye mar bhai ,pavithrer dall thathi araam vijethi, thar premema ghano anandena samjavnin paaldecha.

Aposthal Paul Philemoner vadithi kukan khushinan samjavnin layochko yetha malam karrocha. Hava yek admir preethin vu dajako himmath ajjek admin samjavni payer vacha. Lapan Prabhu Yesu Christhur samjavnin jathan karer achpan vu sejini anand manavacha.

Yeej ghavo padmelojako daller ghaven bhandeja. Thar dall thamenijathra admi athanu thona samjayeviya. Vuj vagathema thu ajjeken samjavnu katho thar mundema vathaj nikaleni kaiko. Pan Aposthal Paul sasij kacha sethi jada Prabhu apanena samjayevalo cha. Hava kun samjavanathoi Prabhu kannai samjayevalo cha kan Paul kerocha. Mar premer Dever beptavo thon samjayevalo cha kan thar mannema herdemella.

Yek haptha Hagaren herdelala vu adabima yeklij mar sath kuni cheniman rothi vethi. Vu vor mot yadithi bhar daklagicha. Abraham dinojako khaldir thithimar panin daasek khano vu doi aadi durema vegitho Hagarer pet bhukethi ann ghog tharsethi sukharitho khamer hathayi koni , ajji vor betar ghosa dekejayenitho hathemathi cheti beganaken ghano barkathanu royi .

Von Apaner Prabhu yeklinaj chonako koni kasen katho vu yek bayar dakal Abrahamer laar amelijako chori jesaru. Agadiyar grandh 21:19-20  Prabhu vor ankin vagadan vor ankir mundagaj panir verin dekalnako . Vu panir verin dekan Hagar vor thithin bharlini ajji vor betan saha vu panin pirayi. Dev vu betar sath vetho.

Apaner Dev gachab vathekaran hanuj chonakevalo koni. Vu Prabhu samjayero athraj kelerochika athra mathramaj koni pan vu thar kaklothin samasyan kanaken thar sath rethanu ashish karevalo cha kan bhulamath. Dever premer hathan vor niyather jamman hathethi thon samjaye kan ma asa karrochu.