Jun 23 – Kanalkalan ayam-lingan banabyen!

“Ordar lingan kanalkaalan gatartaben, bindo umangnaba, Hen ordaran abladnale dailenai” (Jon 16:33).

Kristu mandrengna bo man’oihadage do sayudage ted. Bibolan gamte: “Bar a jardin na bute bute Kristu Jisu Iingan Kitung-gangkil mand~ rengnan abhanaben itsumteji,-aninji kuddubanji tanamderan hangteji” (2 Timoti 3:12). Sanenken gamte: “Roitad maranji a kanalkalanji atengdam” (Sanenken 34:19).

Bindo Kitungan banabye do anablu tiyte tanungjengan do kanalkalan ayamling. Bibolan gaamte: “kuddub kanalkal-ling-len Kitungan batte anlen banabyen detabe” (2 Korintia 1:4). Sanenken Daudo janang gaamte: “Angante hen sintatenai do kuditenai, seletten banabye-Nam pwrarda-hen abm’oihte” (Saanenken 94:19).

Angante amben kanalkal-lingan do tanunjing-lingan daakutaben, Kitungan a surda tanimyiman, d’ongben rabte. Jajangante ayam a boantaanji apaile babyetabenji. Orde abernan sanlle do a tumadgijberan batte.

Marid jananggardan lapsole banabyemar ambrij aamben ampara. Angante amben bigarda langlanganji a berte, bo surda liar do banabye a hangte. Bibolan gaamte: “Ijja, bindo Gamangtungan bzgarda desa maranji a usaltam-beran, do bzgarda sarrangan batte kan mandranji a d’ong bernan oblengte. Anin aninji a d’ong gameten, Kani na lulunan batte aman mannggaa maranji a d’ong ablulunate” (Jisaiya 28:11-12).

Anappai Pol idolle: “Anten asan Kristu lingan bogad iteja anabumangan, iteja tanimyiman a banabyen, iteja Janggardan a artanurdun, iteja a l’ung tanimyiman do anabasuyeman delenden” (Pillipi 2:1).

Bigardanji pedde adgalaji tagorben. Bindo Kitungan itente gabdile, buten d’ongben asaiben yiraiten bar buten a mihaman lalle amben abmele, kuddub kanalkalben Anin ogandite.

Aninna sattang gosodte amaddaben do Kitungdage abanabye tiytaben j’e-ling-ben. Anin yangan ambrij babyetaben, kanalkal-ling-ben. Anin sanayamdam engale U’an ambrij a onan amanglen. Angante Anin adambaben yirtai, kuddub tanunjenben do kanalkalben sagaite. J’e-ben banabyen hangte do puangte bo surda taana’aran ambrij.

Okiy Kinolbe absele: “Ettegoi na Janggardan- janang Balai-len a panardun darditalen, iten ‘ asan gamlehden .itente abmele ta garberben roitad daku, antate anlen aggalambe, bindo Janggardadam er sarrangge ganendrian batte anlen apsele dandrab garberte” (Romi 8:26).