Jun 22 – Danukkan ayam-lingan banabyen!

“Iten asan gamlenden Hen aninji a edanan a panardun man’oihan abmetai; Hen aninji a d’ong babyetai do aninji a danukkan a panardun anerdikan abmetai” (Jirimiya 31:13).

Danukkan ayam-lingan Kitungan sattang babye-langten. Anin bandate kuddub danukkanji, d’ongben babyele abm’oihtaben.

Jakub aa mandrengna gijba. Anin ateng danukka-lingan adakulen ate. Jakub timyimle Josep a d’ong kuddub a buhaanganji sring, do tiyle ateng taniytiyanji. Bindo kun saring anin abs’idle Jakub.

Bo dinna angante Josep a buhangji amang ganijmadan dakule, aninji akadhidben oskaileji. Aninji lungar-lingan pidleji do atikki aninji timleji boanta sing-lingan. aninji Josep a sindrin pangle murkundardangan amihaman jodleji. Atikki aninji panglaiji kun a sindrin a U’anji amangba do gamleji, “Anlen a dijte satta hanglai. Kan on-nam a ranotudan orde ijja abmada” (Aparamangta 37:31-32). Kun a berna hangle Jakub yan adukkadale! Anin pede ogandile bo surda jontun jumle gaamle.

Bindo ateng mihnum atikki, kunin a Josep Jakub a d’ong panglai a U’an a d’ong Misor-lingan do dakule Paro atimangba; do Jakub absittale Paro a d’ong. Paro gamle Jakub a d’ong, “Jajing amihnum aman?” Do Jakub gamle: “Bitunage barasu-hen a dinna bo sua bokurdi-galji minhum. Mandrengna-hen ayam asui do rakkardadam bar abmang juju-henji ayaman ambrij ted. A m’englenji” (Aparamangtan 47:7-9).

Kitungan kuddub danukkanji bandale do banabyen tiyle. A Onan, butente anin surda jontun jumleji gamle, anin gijle kunin a onan, anabdaina dele bo surda danemarge Misor-lingan, Paro atimangba. Jakub gijle Josep a d’ong, tanimyimdage a Onan, butente a d’ongan sagalte atalaiban ayamlen. Kitungan a danukkanji man’oihdage bandale.

Bibolan gamte: “Insalon batte karudkud delen a mandra anin ayaman asuidam do danukkan batte barijdam” (Ayob 14:1). Mandran Kitungan amangba adirnetenden ateng danukkanji hangte. Bindo Kitungan amandranji banabyen hangteji. Kitungn amben ampara adakun asan, kuddub danukkanji dunglen yirte. Do amben ahangte man’oihan do anirdikan (Jisaiya 35:10). Aten asan, iteja abmele adukkadaamdongne kuddub Kitungan amangba surpidba. Kanalkalben Anin sattang saggaite.

Okiy Kinolbe absele: “Anten asana man a j’en saring danukkan sabngaija bar aman saring danusan sabngaija” (Hanangber 11:10).