Jun 22 – Ahram dukh te!

Jeremiah 31:13 “kilekoile Ami ghurai dibo tai khan laga dukh ke anondo te, aru khushi kuribole dibo tai khan ke dukh laga bodli te.. Khali Isor pora hi apuni ke ahram dibo paribo dukh laga homoi te. Tai pora ghurai dibo apuni laga sob dukkh ke, aru ahram hobole dibo aru apuni laga monk e khushi pabole dibo.

Jacob laga jibon ke sabi. Tai bishi nirasha laga samna kuribole lagishe. Jacob pora joseph ke hi bishi morom lage tai laga alag bacha khan pora bi, aru diye taike kapra alag alag rong laga. Hoilebi tai ke hatai dishe Jacob laga jibon pora.

Ekdin joseph laga dada khan bishi suku julishe aru taike mora bole bhabna kurishe. Tai khan  taike gadha te dhali dishe aru pichete bikai dishe tai ke naukaro kuribole midianites manu khan logote. Tai khan joseph laga kapra ke loi loishe, moraishe ekta bhera saguli, aru joseph laga kapra ke bijaishe utu bhera laga khun te. Tai khan utu kapra ke anishe baba laga usorte aru koishe, “ami khan itu paishe. Apuni jane judi itu apuni laga chokra laga kapra ase na nai?” (genesis 37:31-32). Kiman dukh lagishe pare joseph ke jitya tai utu khabar paishe! Tai kapi utishe pare ki tai laga morom kora chokra ke jongol laga janwar pora khai dishe koi kene.

Hoilebi bishi saal pichete, joseph aishe tai laga baba Jacob ke anishe Egypt te aru rakhi dishe tai ke pharaoh laga agete; aru Jacob pora pharaoh ke ashirbad dishe. Pharaoah koishe Jacob ke, “kiman saal ase apuni?” aru Jacob koishe: “din khan ami laga saal laga ami laga tirthyatra laga100 aru 30 saal ase; olop aru biya khan thakishe dinkhan te saal laga ami laga jibn laga,aru tai khan panai dinkhan saal khan laga jibon laga jinika ami laga baba laga tirthyatra laga din khan thakishe genesis 47:7-9.

Isor pora ghurai dishe sob tai laga dukh khan ke aru dishe ahram. Utu chokra junke tai bhabna kurishe janwar pora morai dishe, tai utu chokra ke hi dikhishe, uncha hoi kene pura Egypt laga desh te, pharaoh laga agete. Jacob pora jaseph ke dikhishe, ekta moro laga chokra, jun pora dhyan rakhibo tai laga baba ke bura umar te. Isor pora tai laga sob dukh ke khushi te bodli kurishe.

Pobitro kothe te koi: “manu jun hi maiki pora jonom hoishe olop din nimite hi hi aru dukh pora bhorta” job 14:1. Ekta manu maiki pora jonom hua tu dukh hi pabo, judi tai nijor laga biswas ke Isor uporte rakhanai. Hoilebi Isor aharam laga ase Tai laga bacha khan logote.  Kilekoile Iso apuni logote ase, sob dukh aru biya khan polai jabo. Aru apuni pabo khushi (Isaiah 35:10). Itu karone, chinta nakuribi iku kotha karone bi aru dibi apuni laga sob bhar ke Isor laga uporte. Kilekoile tai pora hi apuni lga dukh ke hatahbole pare.

Aji bhabna kuribole laga pobitro kotha tu Ecclesiastes 11:10 “ itu kaorne hataidibi dukh ke apuni laga mon pora, aru alag kuribi biya ke apuni laga gau pora.”