Jun 17 – PIRANG MATAMDA PUKNING THEMJINBIBA!

Jesuna nupiduda hairammi, “nupi, karigi kaplibano?kana thiribano? (John 20:15)

Prabbhu nungshi khonjel tariba Mary Magdalene adu kayada nungairamgani? Mahakna haraomanduna RAbboni haina koukhi. Karigi kaplibano haina hangliba Prabhu aduna mahakpu hingatpa matungda mahakpu hakthengna na unabagi thoujal adusu pibikhi. Kaputuna leiramba Mary adu asukki matik haraokhi. Prabhubu hinggatpadagi mahakna unabagi thoujal adu phangjakhi aduga mahakki pirang sing adusu louthokpikhi. Aduga  haraobada thanhankhi.

Sastrana hai, “aduga Iswarna makhoigi mittagi pirang mayam teithokpigani, asiba leiraroi,tengthaba leiraroi,kappasu leiraroi. Anaba su leiraroi,maramdi ariba pumnamam adu houkhre.” (Revelation 21:4).  Matam amada Hezekiah adu kapkhi,maramdi mahak sinabagi damakta thourang toukhide. Iswarna mahakki punshi adu sanghannaba haijakhi. Sastrana haikhiba matung inna mahakna phaklanglomda mai onduna yamna thamoi sokna kapkhi.

Iswarna Hezekiah da Isaiah thaduna pao pibikhi, “eina nahakki haijaba tare,nahakki pirang ure,nahakki punshi adu chahi  tara manga tinsinbigani. (Isaiah 38:5).  “tasengna eina nangbu  anabadagi phahangani. Numit humni suba numitta nahakna  Iswargi ningnasangda changgani.” (2 Kings 20:5)

Nahakki pirang na Iswargi thamoida sokpani. Mahakna nahakpu keidoungeidasu thadokpiroi hunsu hundokpiroi. Eikhoina Sastranda pariba adudi Prabhu aduna mahakki  taibang khongchat amadi ministry loisillamdaida kapkhi. Mahakna Lazarus ki damakta kapkhi. Mahakna Jerusalemgi damakta amadi madugi arankhubam gi damakta kapkhi. Mahakna Ipa Iswarda yengkhattuna kaptuna taibang pumbagi damakta haijakhi aduga tengthakhi. Aduga mahakna Gethasemnni ingkhondasu tengthaduna kaptuna haijakhi.

Iswargi machasing,Iswarna nahakki pirang adu ubi,aduga teithoktuna nahakki pukning themjinbi. Mahakna nahakpu  kanbi, ingthaba pibi, thougatpi aduga mahakna nahakpu keidoungeidasu hundoktuna chatthokpa toude.

Dhyan tougadaba, “aduga Iswarna maithong khudingdagi pirang teithokpigani,misinggi cheibiba khudingdu mahakna pirithibidagi louthoklagani.” (Isaiah 25:8).