Jun 17 – Edana ayam-lingan banabyen!

“Jisun anin a d’ong gameten, E salo, iten asan edaten? Buten a d’ong saijte?” (Jon 20:15).

Yangam banabyen kan Mary Magdalene, Kitungan asangdrang amdangben! Anin ateng man’oihan batte uaile gameten ‘Rabbi’. Kitungan a d’ongan ualle iten asan edaten, anin asuyeman hangle amangan saring armukka armukka hanarmengan atikki. Mary a j’en, buten a edatenan kun turmurduban, man’oihan batte tongle, ajardinna. Anin boi boi karamdam Kitungan adineten ate agijle asan, barij amadan batte gamle dakuneten man’oihan do anerdakan batte.

Bibolan gamte: “Anin aninji a m’odanji saring dile amadd’an gosodte, do karahidan barokij adde e, orde edanan, gudanan, orde kanalkalan barokij adde e, iten asan gamlenden purban a janabanji s’zdleji” (Anaabpungge 21:4).

Bo ayam Raja Ejekiel edalen, anin akadhiddamnaben adnidsumad. A hidsuman dakule amihnuman abatengben abmele. Bibolan gamte anin kintalban gijgijle garberlen, Kitungan amangba do edalen. Kitungan jalangle ejekiel a d’ong, tumadgijmar Jisaiya batte, bar oblingle: “Hen ganarber-nam amdanglai. Bar Hen amadda-namji gijlai. Gija, Hen daningyim ayam-nam miggal yagi minhum abatengtai” (Jisaiya 38:5). “Gija, Hen d’ong-nam absamangtai; aman anab-yagi dinna lingan Gaamaangtungan aa s’ingban yerte” (2 Raja 20:5).

Amadabenji Kitungan a j’eban ardule. Anin d’ongben adkaridae orde abnumdrenge. Anlen kinoltaabe bibol-lingan, yan ordardage aa baran ayam Anin yangam edaneten. Lajar akarahidan ayam edaneten. Jirusalem anablun abmele edaneten. Anin janang U’an amangban gijgijle do Edalen bar garberle ordaran abmele, bo surda anogandin batte, Gatsamoni dudiban.

Tanahimdam Kitungan a onagji, Kitungan gijgijte amaddaben, gosodle babyetaben. Anin janang ablutaben, sanabyun tiytaben, darditaben, bar Anin d’ong-ben agaja adnumdrengben.

Okiy Kinolbe absele: “Anin tarda ayam sikkoi ja karahidaan mole szdte, bar Gamang Kitungan kuddub mukkan saring amaddan gosodte” (Jisaiya 25:8).