Jun 16 – GAREEBPANEMA SAMJAYEVALO

Zekaria 9:12 Dee haso thamen ashish karuchu kan aajaj thon Ma hakkam derochu.

Kaicheniju rero gareebpan ajji baaki kajako dallema masaj hayi lagacha. Mar gareebpanemathi bhar ku ayerviya? Ma kanna ashish pavu? Ma kanna samjavni maliya? Kan ghabriverochi kaiko ? Atho Sey paristhithima Bhar layovalo  Prabhu Yesu yekloj.

Yek Greek sainik bhari chajako dallethi vor baaki kathra chako kan kagadepar lakkrotho. Vu ghano jada leko vethi. Akharima vo kagader heta ‘Yee baaki kun phediya? kan ‘ lakko. Vu baaki von pheder hathayenijathra jada vethi jesaru vu sainik vor hathema banduk lelen mathepar  melan marajvnu kelen vu banduken pakthima mellen sogo. Vu kagad vadan bhar chalan jarothojako Alexander moto raj vor mundag padgithi jethi vu kagaden palden vanchan sainiker khabar malam karlen Alexander Maaj yee baaki pheduchu kan vor santhakam ghalnaken vo sainiker mather kan melden dagargo. Vu sainik neendemathi vutan vu kagaden lelen dittotho masaj khushi vego. Ajji bandukethi marjavnu ken keldo koni. Mar baaki kun phediye kajako savlen samadhan paldo.

Mar premevalavo thar sey bakin pheden thakath dethanu thon himmathethi bharevalon paper bakin thar vachethi mundagaj Yesu Prabhu siluvama phenako. Hanuj thar pisar kalen sada vuj kanakevalo cha.

Roma 10:12 vachanema Aposthal Paul apner sey avasarmen pheden Vu Prabhur hathavacha. Hagvai 2:8 vachanema sada Prabhu sono maraj, rupo sada maraj kan phojer adhipathi kerocha. Thu Christhur betachijegali vu savukar cha ajji thu saha savukaraj. Asmanethin athmik vadithi thu sema savukar venu kajakoj Dever asa vencha.

Mar premer Dever beptavo Prabhur sam deko Vuj thar gareebpanema samjathanu thon dee hasso ashish karevalo cha kan herdemella.