Jun 14 – Mannangga ayam-lingan banabyen!

“Anin mannangga maranji a d’ong ranaptin tiyte, do er t’ul maranji a d’ong tanulan abawrte” (Jisaiya 40:29).

Mannangga aboi sonuman bo surda ahamdraman. Mandran jajzn manarid deleja, sonuman mannangga a j’e-lingan pangtai, abdukkale do ateng danalgadanji a d’ong-lingan saring amdungte.

Bo ayaman tumadgijmar Eliya bo surda mannangga dele. Barij j’en batte surda baranji lumle Kitungan abmele, anin janang kanalkalanji raabangle. Rani Jzjzbel, atuabben abmele oskaile a d’ongan. Angante kun ayaman ardulai, anin imdamlen a j’e-lingan. Anin arznrzn daarakunabe yireten do Kitungan amangba garberlen gameten hen kahidten badih, bar gamle: “E GAMANGtung, hen apsele tullale; pwrarda-hen namihen panga. Iten asan gamlenden juju-henji saring hen bangsa ted” (1 Raja 19:4). Bindo Kitungan a d’ongan adnumdrengad kun mannangga ayam-ling. Anin babyele do rabdule.

Kitungan a pissirdianji a d’ong appaile do Eliya a j’e abdainale do abbuyuble. Pissirdian gamle Eliya a d’ong dinna do jumma. Ateng asan, anin jumle do gale, bar ombunglen okij. Bindo Kitungan jumjumna adtiad jumle aombungnaben abmele. Ateng asan, Kitungan a pissirdi bar okij yiranyire, abdile do gamle, “Dzna do janumjuman juma. Iten asan gamlenden ranapti-nam saring tangoran awr sangai daku” (1 Raja 19:7).

Kun ayam-ling pissirdian tartarle Eliya aa d’ong, nami Kitungan amben ampara halen daku, mannangga-namji absagaiben abmele. Kuddub danukkaben bar mannanggaben sagaite, bar Kitungan a baran abmele abdainataben.

Raja-ontidan anin agaja adnogandie baru surda orde sanna bindo anin omengle engle dakute, bar barij lanankkaban engte. Amben janang raja-ontidan ambrij  lanankkaban dakule Kitungan abmele apuanben dete. ganijgijben dile ayam baruban dakuben dete.

Sagaina dakute, itente amben adurben dete Kitungan a ranptin batte. Mandranji ateng daku bar ahangben abmele awr daku. Tanahimdam Kitungan a onagji, mannangga j’e-ling-ben saring dungnaiba. Ayengan a Kitung Eliya a d’ong absittale, kuddub mannanggaben pangle babyetaben.

Okiy Kinolbe absele: “Bindo ayengan a mandranji Gamangtungan apsele omdeteji, aninji tabme tabme ranaptin hangteji; aninji raja-ontidan ambrij renengle lanangkaban engteji; aninji yzrtenji bindo lingkij ongkijge adde-eji aninji halen yerteji bindo abmanggaeji” (Jisaiya 40:31).