Jun 13 – Ahram tyag kora te!

Matthew 27:46 “ami laga isor, ami laga isor, kile apuni ami ke tyag kori dishe?”

Apuni jibon laga kuntu homoi te thakile bi, itu bishi dukh ase tyag kori diya tu apuni laga morom thaka manu khan pora apuni ke. Kiman biya hobo utu homoi ekta maiki karone jitya tai laga mota pora taike chari dile-alag maiki logote thakibole! Nahoile utu homoi jitya bacah khan ke rasta te chari diye, jitya taikhan laga ama baba morijai!

Jitya ekta manu thake utu homoi te thake taike tyag kori  diya tai laga sathi khan pora, khandan khan pora aru uncha adhikari khan pora, tai laga mon dukh pai. Judi apuni inika homoi te thake, apuni sabole lage isor ke, jun pora apuni ke kitya bi nacharibo.

Kunuba homoi te itu ulabo ki isor pora apuni laga prathana ke nahune. Hoilebi hosa itu ase ki: isor apuni ke kitya bi nacahare. David koi: “hoiebi ami dikhanai hosa ke chari diya,nahoilebi tai laga bacha khan roti nimite bhik mangi thaka.” Psalm 37:25.

Apuni laga sathi nahoile khandan khan pora apuni ke chari dibo pare hoilebi isor pora apuni ke kitya bi nacharibo. Utu homoi te simon peter saishe isor ke aru koishe: “isor, kun logote ami jabo? Apuni logote kotha ase hodai din laga jibon nimite. Aru bi ami khan ahishe biswas kuribole aru janibole ki apuni hi Krista ase, chokra zinda isor laga.” John 6:68-69.

Judi bi apuni ke chari diye, jisu janae sob dukh aru bikha thaka ke juntu te apuni berai ase, kilekoile tai bi utu tyag laga rasta te hi berai she. Utu iman dukh laga homoi  te krus te, tai kandishe jor awaz pora baba isor ke koi kene: “ami laga isor, ami laga isor, kile apuni ami ke tyag korishe?”

Chari diya manu pora aru isor baba pora, tai krus te  uthishe itu sob dukh aru sorom khan ke loi kene. Tai laga atma bishi dukh te thakishe, mora homoi tok bi. Aru tai laga chela khan pora bi iku koribo paranai.

Sob manu jun khan labh paishe aru ashirbad, chillai kene koishe: “suli charha bi, suli charha bi”. Tai laga sob bhal khan laga bodli te, tai khali paishe mazaak urai diya aru apmaan hi paishe. Jisu tu chakhi bole lagishe tita cup krus te utha laga, ami khan sob karone.

Isor jun hi ahram diye chari diya aru tyag kora khan ke, hosa bi apuni ke bi dhuri kene uthai dibo. Psalms likha khan pora koi: “jitya ami laga baba aru ami laga ama ami ke tyag kori dibo, titya isor pora ami ke sabo” psalm 27:10. Isor laga bacah khan, isor pora apuni ke kitya bi nacha ribo, judi bi apuni laga ama aru baba apuni ke chari diye.

Aji bhabna kuribole laga pobitro kota tu hoile Isaiah 54:7 ekbar nimite hi ami apuni ke tyag korishe, hoilebi dangor daya pora ami apuni ke jama kurishe.