Jun 05 – AWABA MATAMDA PUKNING THEMJINBIBA!

“Nakhoigi thamoi khoirang khoisaoganu,Iswarda thajou,eingonda su thajou.” (John 14:1).

Awaba amadi pirangga loinana hingningba taibang asida mi kanasu leiroi. Awaba haibasi Satandagi lakpa changyeng ni. Kanagumba misingdi warakpa matamda,makhoigi thabakki mahei adu khangdaduna yamna akaiba touri. Kanagumba misingdi matam leiba khibikta awaba amada isou langlaga lei.

Mi ayambasi nungaitaba pao taba matamda makhoigi thamoida langtaknaba pokli. Kanagumba misingdi akanba wa taba matamda langtaknei. Kanagumba misingdi makhoigi asaobada langtaknaduna awabada tai.

Iswargi macha ama  oina nakhoi thamoida langtaknaba touganu. Nahakna awaba thengnaba matamda Iswargi maphamda changsillu. Migi achanba thiganu,adubu Iswargi khuyada phamthou. Bible manungda Iswar thijaba misingbu Iswarna makhoigi langtaknabadagi kanbirammi  haibagi wari mayam lei.

Matam amada Jesu amasung mahakki sebok singna hi tonglakpa matamda makho nonglei nungsit akanba thengnaduna makhoi ising manungda lupke tourammi. Mahakki seboksing adu asukki matik kiduna langtaknarammi. Adubu Jesudi nungaina tumlammi. Aduga seboksingna mahakpu houdoktuna asumna hairammi, “Prabhu eikhoi mangtakkadabasi kari oina khanbidrabra?” (Mark 4:38).

Mahakna hougattuna nonglei nungsit aduna asumna hairammi,”ingthou, tuminna leiyu. Aduga nungshit adu tummina leikhi, aduga ingna chikna leikhi. Adubu Prabuna makhoida asumna hairammi, “nakhoi asukki matik kiriba karigino? Nakhoi thajaba leitribara??”  (Mark 4:39-40)

Hannahna mahakki thamoigi awaba Iswarda heitharamba adu eikhoina uba phangi. Maryna Iswargi khuyada phamthaduna aphaba saruk adu khandokle. Nahaksu Iswarda lak-u. Iswarna nahakpu matam chupppada loinabibana maram oiduan mahakna nahakpu angakpa maongda kanbigani.

Thajariba mi aduna hathu hathu thabak touroi haina Sastrana phongdokli.” (Isaiah 28:16).  Masigi waheigi matung inna eikhoina khangba adudi karigumba thabak oirabasu nahakna hathu hathu tourabadi, nahakki thajaba yamna watli haibagi khudamni. Iswargi machasing, Iswarda thajaba thambiyu,adu oirabadi Iswarna nahakki awaba khuding adu manghangani aduga ingthaba pibigani.

Dhyan tougadba, “khudingmakpu hendokna leiraba Iswargi ingthaba aduna nakhoigi pukning wakhal  adu Jesu Christagi mapanna ngaksenbigani.” (Philippians 4:7)