Jun 05 – Ahram digdar te!

John 14:1 hobole nadibi apuni laga mon ke digdar te; apuni biswas kore Isor ke, biswas ami ke biswas kore.

Prithibi te kun  bi nnai jun mon jai thaki bole kandi kene aru mon te digdar thaki kene. digdar tu hoile satan laga porikha ase. Kunuba manu, jitya taikhan digdar te ahe, tai khan najane tai khan ki kuri jai aru bishi dangor galti kori loi. Kunuba manu khan tu hoile hodai hi digdar te thake tai khan tension te.

Bishi manu khan digdar pai tai khan laga mon te jitya tai khan hune biya khobor ke. Kunuba khan digdar pai jitya tai khan pai ses laga tan kotha hunibole. Kunuba khan gussa hoi, tai khan tension pai aru digdar pai.

Isor laga bacha hisab te, apuni kitya bi digdar hoi mon te. Majote a puni laga digdar te aru  porikha laga homoi te jabi isor laga usor te. Nabisaribi manu khan ke, hoilebi thakibi bohi kene isor laga theng te. Pobitro kotha te, bishi examole khan ase kinika manu khan isor laga bache tai khan laga digdar pora jitya tai khan isor le bisare.

Ekbar jitya jisu aru tai laga chela khan jai thakishe nau pora, ekta bishi hawa ahishe aru itu laga leher pora nau ke hilai, ki itu pura hobole. Chela khan sob bi kiman bhoi khai aru digdar pai mon te. Hoile bi jisu thik ghumai thakishe balish te. Aru chela khan tai ke uthai dishe taike aru koioshe: malik, apuni dhyan nakure ki ami khan moribole ase? Mark 4:38.

Titya tai uthishe aru hawa ke gali di kene koi nadi ke “shanty, thir thakibi! Aru hawa khotom hoi jaishe aru bishi shanty thaki jaishe. Hoilebi tai tai khan ke koishe, “ kile apuni bhoi khai? Kinika ase apuni biswas nai” mark 4:39-40.

Ami khan pure pobitro kotha te Hannah laga kotha jun pora ulai kene dishe tai laga mon laga dukkh ke isor laga agete. Aru mary jun  hi  chunishe bhal bhag aru bihi she isor laga   theng te. Apuni bi ahibi isor laga agete. Kilekoile isor apuni logote ase, tai por ahosabi apuni ke achurit kaam dikhabo aru apuni kebachabo apuni laga sob digdar pora.

Pobitro kotha te koi:  jun hi biswas kore  tai kaam nook taratari Isaiah 28:16. Itu verse laga hisab te, judi apuni kaam kore tara tari inika homoi te, itu laga motlob tu hoile apuni bishi kom biswas ase. Isor laga bacha khan, biswas thakibi isor te aru tai pora ghurai dibo apunilaga sob digdar khan ke aru dibo apuni ke shanty.

Aji bhabna kuribole laga pobitro kotha tu hoile Philippians 4:7 aru shanty laga isor, jun pora paar kure sob buja khan ke tai pora rokhya koribo apunilaga monk e aru dimag ke jisu Krista pora.