Jun 04 – DOKHEMA SAMJAYEVALO

Mathai 8:3 Yesu vor hathen laambo karan vona cheepan ,manna khatharaj  ,shudh vakan ko ,jannaj vor kusht rogethi varu vego.

Sasi kenukatho dhokh avatho apanen masaj dhukh lagach. Kasenkatho yekvodi vu dokhen khamalenu ajjekvodi vu dokhethi jeevadam jorseji gamalacha. Asal yee dokhethi manna kai vejavachko kan sos karthey hayi karen laagjamacha. Lapan thu kunas rog dokhema rasthoi Thar sath Prabhu chakan bulmath. Romavalun 8:28 vachanema Prabhu apaner hachesruj soli karach jethi, Vujji Prabhur soser nai  balamangan ,Deven prem karevalena ,soli khabar bhalayir vadij chalachkan apanen malam. Thon varu narajana kaikoyek lelen varu vejavnu kelechi pan Vu Prabhu thon samjathanu thar athmana jorethi bharacha. Vimochner grandh 15:26 vachanema Yisraelevalethi thamar laar ayijako Aigupthemar kunsi rog thamen ayeniju Maaj thamen varu karevalo chu kan bachan demelocha.

Yesu bapur hath koder rogen , Pethrur saasur haath jallen vor thavethin, langadey tuntevalen varu kidocha. Vundad siluvaper doi hath lambo karan thar rogdokhen khamojako Vu Prabhuj aaji thar rogen varu karuchu kerocha.

Yek jaag sarkareval asupathrin bhandey, vor pakthimaj ajjek Christhuval sada  masaj kam mancha chajako asupathrin  bhandethey. Atho Sarkarer asupathrin javajethi jada manikya yee Christhuvaler aspathrinaj jathethey. Yema  kai pharak cha kan dekatho doi aspathrima dekajako yekkaj thara lapan manikyavo dinejako gavai , sarkarer aspathrima dekajethi jada Christhuvaler aspathrima Vu Christhur premethi hath jallen samjathanu ghanu vopikathi kunas rog rathoi dekaj jethi hamen jhaldin varu vejathanu shanthin samadhanen paldecha.

Mar premer Dever beptavo thon rog avajana thar dallema chamakmath pan siluvama tharsaru marakhadojako Yesu Prabhun dekastho Vuj thon chavnujako himmath thar jeevadan joran puro varu karan samjayevalo cha.

Ajji jada dyan karen pado 1 Pethru 2:24 Apan papesaru maran niyathevas banchena, vor jeevdaper vuj apaner papena siluvaper paldido, Vor ghavethi tham varu vegey.