Jun 04 – Ahram bimar te!

Matthew 8:3 titya Jisu tai laga hath ulaishe aru tai ke chuishe, koi kene, “ami icha kure; sapha hobi.”

Itu ekta bishi dukh laga kotha ase jitya apuni bimar hoi. Ekta hath te apuni bimar ke bhugibo lage aru dusra hath te apuni nijor lagat tagot bi harai loi. Apuni dimag te bi bhabna dangor hoi jai  ki itu bimar pora apuni ke ki hobo. Hoilebi apuni kitya bi napahoribo lage ki inika bimar khan te bi Iso rapuni logote ase.

Isor pora sob kure apuni laga bhal nimite. Pobitro kotha te koi: aru ami khan jane ki sob saman khan hoi mili kene bhal karone  taikhan ke jun khan Isor ke morom kure, tai khan ke jun khan ke matishe tai laga kaam nimite. Romans 8:28. Bimar laga homoi te bi, isor apuni logote ase, aru apuni ke janibole diye apuni laga komjri aru apuni ke itu laga ilaj kuhribole diye. Tai apuni ke kotha kure aru aru apuni ke utsah kure. Tai apuni ke shanty diye aru apuni laga atma ke tagot kuribo.

Utu homoi te, isor pora kosom dishe Israel khan ke aru koishe: “ami nadhalibo iku bi bimar khan apuni te juntu ami egyp manu khan te anishe. Kilekoile ami isor ase jun apuni ke changai kre exodus 15:26.utu khemai kura laga isor hi pothabo tai laga kotha apuni ke changai kuribole. Tai apuni ke chubo tai laga gojal laga hath pora aru apuni ke bhal gau dibo.

Krista laga hath te changai laga tel ase kora laga rogi laga, dangor dawai changai kuribole peter laga sasu ama karone tai laga bukhar nimite, aru tai logote shakti ase thik kuribole biya theng khan aru lula khan ke. Utu hath khan juntu pongche kruste, bhugibo dagi aji laga din te bi.

Ekbar sorkar pora bonaishe hospital te refugee camp. Utu jaga te, ekta Christian hospital bi thakisshe, khali komti bisna te. Aru refugees khan sorkari hospital te najai kene hodai din hi Christian laga hospital te jai, tai khal laga illaj nimite.

Dawai khan diya laga homoi te aru illaj kora tu hoile iki hi ase duita hospital te bi, hoilebi bishi dangor alag thakishe tai khan rogi khan ke saa te. Manu khan koi ki Christian hospital te, kilekoile tai khan rogi khan ke morom pora hi aru daya thaki kene sai, tai khan dikhibole pare Krista laga hath ke utu hospital te, jote rogi khan anubhav  kore ahram, shanty, aru khushi chanagai logote.

Isor laga bacha khan, jote bi apuni jani bimar pora aru ghau pora, kitya bi bhoi nakuribi nahoilebi dukh nakuribi apuni laga mon te, ki itu dangor hobo na biya hoi jabo nahoile bi apuni laga jibon ke ses kuri dibo. Isor pora hi rakhibo tabi laga gojal laga laga hath ke apuni te aru dibo apuni ke changai, tagot aru bhal gau. Apuni hosabi ahram pabo.

 Aji bhabna kuribole laga pobitrbo kotha tu hoile 1 peter 2:24 jisu Krista laga dagi khan por ahi, apuni changai hoishe.