Jun 03 – Kanalkalan a yam-ling Banabyen!

“Kilkillen do rznglen dakuna. Aman bantongdong orde j’e-nam tunggerderdage abmedong” (Jisaaiya 7:4).

Kitunglen babyelangten kanalkalan do danukkan a yamlingan janang. Angante amben abumung bernanji amadangte, j’e-len kalkal dete, bar anlen iten alumben dete galamle adrabtibe. Angante j’e-ling-ben ateng danukkan dakute, lanagad beran Kitungan d’ongben oblingte: “Kilkillen do rznglen dakuna. Aman bantongdong orde j’e-nam tunggerderdage abmedong”.

Anab-boi-lingan, Kitungan gamte bantongdong. Banantongan aboi bison ambrij itente sonuman batte kanurkuran dete. Anin banantongan do anabkalkalan abmete j’e-ling-ben dirnan saring abs’iben asan.

Bibol-lingan a bantongdong a bernan, 366 tara anidolan dele. Do anlen kan abernan ogandinete, dile dinna mihnum-lingan. bibolan gamte: “Uggar-benji galaih piyaihge dedongete, orde bantongdongete” (Jon 14:27). “Aman bantongdong. Uddarda-nam do murda uhulkui-nam ambrij, Hen na” (Aparamangtan 15:1). Bantongdong orde tunggerderdage dedong, iten asan gaamlenden Gamang Kitungan, Kitung-hen na aman ampara dakuten” (1 Birinda 28:20).

Anab-bagu-lingan, Kitungan d’onglen gamte rznglen dakuna gamle. Mandra-daman asan rznglen a dakunaben jugardamdam. Bindo angante Kitungan barate, kuddub danukkabenji amangban surpidle rznglen dakunaben dete.

Mojes gamle Israel-maranji a d’ong rzngnaba. “Gamangtungan amben apsele sanute. Amben maih rznglen dakunaba” (Hanagod 14:14). Garberlen Kitungan amangban surpid-damnaba. Do Kitungan amben abmele sanuten do dainan tiytaben.

Anab-yagi-lingan, Kitungan gamle a tunggerderdong. “Kan asan GAMANG Kitungan ednegoi gamte, Gijba, Hen Sion lingan ganaijitalan apsele aboi arengan, abo antanungjeng arengan, abo janatti do sakkai dungkiaran dakkutai. Ayengan a mandra derderten, anin er uywbge adde-e” (Jisaiya 28:16). Bibolan gamte: “Kanalkal ayam lingan bogad aman er uywbge delenden, etteden ranapti-nam asuidam” (Bangsa Hangan 24:10).

Tanahimdam Kitungan a onagji, kanalkalan ayam-ling abdukkadamdonge. Barijloge surpid-damnaba dile ayam abmele Kitungan amangba, Kitungan a mandranji ampara basuba. Do etiden Kitungan d’ongben babyete do barij mandrengnaben tangorte do absittataben.

Okiy Kinolbe absele: “Iten asan gamlenden Gamang Kitungan, Israel  a Marid  Maran, ednegoi gamte: Amben daiyarre yerre a labgaddamlenanden ranabraban a hangte, bar lanagad lingan do danerder lingan ranaptin-ben dete, bindo amben adnordead” (Jisaiya 30:15).